ചപ്പാത്തിയും ബിഫ് ഫ്രൈയും എത്ര നല്ല കോമ്പിനേഷന്‍. പക്ഷേ ഉണ്ടാക്കാന്‍ മടിയാണെന്നു മാത്രം. ഇനി മടി വേണ്ട. പാചകം തുടങ്ങിക്കോളൂ. രുചികരമായ ബീഫ് ഫ്രൈ റെഡി.
ചേര്‍ക്കേണ്ട ഇനങ്ങള്‍
ബീഫ് - 1 1/2 കിലോ
ഡാല്‍ഡ - 3 ടേബിള്‍ സ്പൂണ്‍
വെളുത്തുള്ളി - 2 എണ്ണം
ഉള്ളി - 9 എണ്ണം
സവോള ചെറുത് - 2 എണ്ണം
ഇഞ്ചി - 2 കഷ്ണം
വറ്റല്‍ മുളക് -15
ഉപ്പ് - പാകത്തിന്
പാകം ചെയ്യേണ്ട വിധം
ബീഫ് വലിയ കഷ്ണങ്ങളാക്കിയ ശേഷം ഫോര്‍ക്കുപയോഗിച്ച് പരുവത്തിലാക്കുക. മൂന്നു ടേബിള്‍ സ്പൂണ്‍ സോയാസോസും ഒന്നര ടേബിള്‍ സ്പൂണ്‍ മുളകുപൊടിയും ആവശ്യത്തിന് ഉപ്പും പുരട്ടി ഒരു മണിക്കൂര്‍ വയ്ക്കണം. അ/തിനു ശേഷം വേവിക്കുക. ഉള്ളി, വെളുത്തുള്ളി, സവോള, ഇഞ്ചി എന്നിവ നീളത്തില്‍ അരിഞ്ഞതും വറ്റല്‍മുളകും ഡാല്‍ഡയില്‍ വഴറ്റി മൂക്കുമ്പോള്‍ ഇറച്ചിയിട്ടു വറുക്കുക. മൊരിയുമ്പോള്‍ വാങ്ങി ഉപയോഗിക്കുക.
