ക്രിസ്തുമസിന് നല്ല ചെമ്മീൻ കട്‌ലറ്റ് തയ്യാറാക്കാം !

കട്‌ലറ്റ് കഴിക്കാത്തവരായി ആരും ഉണ്ടാവില്ല. എന്നാൽ ചെമ്മീൻ കട്ലറ്റ് അധികമാരും കഴിച്ചിട്ടുണ്ടാവില്ല. ഈ ക്രിസ്തുമസിന് ആ പരാതി അങ്ങ് പരിഹരിക്കാം രുചികരമായ നല്ല ചെമ്മീൻ കട്‌ലറ്റ് തയ്യാറാക്കി.

ചെമ്മീൻ കട്‌ലറ്റ് തയ്യാറാക്കാൻ വേണ്ട ചേരുവകൾ ! 

ചെമ്മീന്‍ - അരക്കിലോ

വലിയ ഉള്ളി - വലുത് മൂന്നെണ്ണം

പച്ചമുളക് - നാലെണ്ണം 

കറിവേപ്പില - രണ്ട് തണ്ട്

ഇഞ്ചി - ഒരു കഷണം

മൈദ - ഒരു കപ്പ്

മുളകുപൊടി - ഒന്നര ടേബിൾ സ്പൂണ്‍

റൊട്ടിപ്പൊടി - അവശ്യത്തിന്

എണ്ണ - വറുക്കാൻ ആവശ്യത്തിന്

ഉപ്പ് - ആവശ്യത്തിന്

ഇനി ചെമ്മീൻ കട്‌ലറ്റ് എങ്ങനെ ഉണ്ടാക്കാം എന്ന് നോക്കാം 

ചെമ്മീൻ നന്നയി വൃത്തിയാക്കിയ ശേഷം മുളകുപൊടിയും ഉപ്പും ചേർത്ത് വേവിക്കുക. വേവിച്ച ചെമ്മീൻ മിക്സിയിലിട്ട് അടിച്ച് പൊടിയാക്കി മാറ്റി വക്കുക. ശേഷം അടുപ്പിൽ പാൻ ചൂടാക്കി. എണ്ണയൊഴിച്ച വലിയുള്ളിയും ഇഞ്ചിയും പച്ചമുളകും കറിവേപ്പിലയും നന്നായി മൂപ്പിച്ചെടുക്കുക.

ഇതിലേക്ക് അരച്ച ചെമ്മീനും കുറച്ച് റൊട്ടിപ്പോടിയും. ആവശ്യത്തിന് ഉപ്പും ചേർത്ത് നന്നായി യോജിപ്പിക്കുക. ഇത് ഉരുളയാക്കി പരത്തി ഇഷ്ടമുള്ള ഷേപ്പിലാക്കിയ ശേഷം മൈദപ്പൊടിയിൽ മുക്കിയെടുത്ത് വറുത്തുകോരാം. ചെമ്മീൻ കട്‌ലറ്റ് റെഡി.