ക്ഷേത്രസമുച്ചയങ്ങള്‍ ക്ഷേത്രങ്ങള്‍ ദിക്കനുസരിച്ച് കിഴക്കേ സമുച്ചയം, പടിഞ്ഞാറേ സമുച്ചയം തെക്കേ സമുച്ചയം എന്നിങ്ങനെ തരം തിരിച്ചിട്ടുണ്ട്.പടിഞ്ഞാറെ സമുച്ചയത്തില്‍ ലക്സ്മീ, വരാഹം, ലക്സ്മണന്‍, കണ്ഡരിയ മഹാദേവന്‍, മാഗദേവന്‍, ദേവി ജഗദംബ, ചിത്രഗുപ്തന്‍, പാര്‍വതി, വിശ്വനാഥന്‍, മാതംഗേശ്വരന്‍ എന്നിവരുടെ വിഗ്രഹങ്ങളാണ്. കിഴക്കേ സമുച്ചയത്തില്‍ പാര്‍ശ്വനാഥന്‍, ശാന്തിനാഥന്‍, ഗന്തായ്, ജാമാരി, വാമനന്‍, ബ്രഹ്മാവ്, ഹനുമാന്‍ എന്നിവരുടെ ക്ഷേത്രങ്ങളാണുള്ളത്. തെക്കേ സുച്ചയം ദുലദേവനും ചതുര്‍ഭുജനും അടക്കിവാഴുന്നു. ക്ഷേത്രമാഹാത്മ്യം ഉദ്ഘോഷിക്കാനാണ് എല്ലാ വസന്തനാളിലും ഖജുരാഹോ നൃത്തോത്സവം നടത്തുന്നത്. പ്രകൃതി പൂവാട വാരിച്ചുറ്റി.നില്‍ക്കുന്ന മനോഹര ദിനങ്ങളിലാണ് .താളമേള സമന്വിതമായി അംഗലാവണ്യം വഴിഞ്ഞൊഴുകുന്ന തരുണീരത്നങ്ങള്‍ വിശേഷാടകളണിഞ്ഞ് നൃത്തവിരുന്നൊരുക്കുന്നത്. തലമുറകളില്‍ നിന്ന് തലമുറകളിലേക്ക് പകര്‍ന്ന നൃത്തസംഗീത പാരന്പര്യത്തിന്‍റെ ഉദ്ഘോഷമാണ് നൃത്തോത്സവം.
നൃത്തോത്സവത്തോടനുബന്ധിച്ച് സെമിനാറുകളും പ്രഭാഷണ പരന്പരകളും ശില്പശാലകളും സംഘടിപ്പിക്കാറുണ്ട്. ഇന്ത്യയ്ക്കകത്തും പുറത്തും നിന്നുമുള്ള കലാസ്വാദകര്‍ക്ക് ഭാരതീയ സംഗീത നൃത്തപാരന്പര്യത്തിന്‍റെ മഹത്വം പകര്‍ന്നു നല്‍കുകയാണ് ഇവയുടെ ഉദ്ദേശം.
ഖജുരാഹോയില്‍ നിര്‍മ്മിക്കുന്ന തനത് കലാവസ്തുക്കള്‍ വാങ്ങാനായുള്ള വിപണമേളയും ഉത്സവത്തോടനുബന്ധിച്ചുണ്ട്.
