ഇത്തവണത്തെ ഹജ്ജ് തീര്‍ത്ഥാടകര്‍ക്ക് മക്കയില്‍ തങ്ങുന്നതിനുള്ള സ്ഥലസൌകര്യം കുറയുമെന്ന് റിപ്പോര്‍ട്ട്. വിശുദ്ധ നഗരിയായ മക്കയിലെ വികസന പ്രവര്‍ത്തനങ്ങളുടെ ഭാഗമായി ഹറം പള്ളിയോട് ചേര്‍ന്നുള്ള ചില കെട്ടിടങ്ങള്‍ പൊളിച്ചു മാറ്റിയതാണ് ഈ സ്ഥല സൌകര്യം കുറയാന്‍ കാരണം.
സാധാരണ ഗതിയില്‍ ഈ പ്രദേശത്ത് ഇന്ത്യ, പാകിസ്ഥാന്‍, ഇന്തോനേഷ്യ എന്നീ രാജ്യങ്ങളില്‍ നിന്നുള്ള തീര്‍ത്ഥാടകര്‍ക്കാണ് താമസ സൌകര്യം ഒരുക്കുന്നത്.
ഇത്തവണ ഈ രാജ്യങ്ങളില്‍ നിന്നുള്ളവര്‍ക്ക് ഇത് പ്രശ്നമായേക്കും എന്നും സൂചനയുണ്ട്. ഏതാണ്ട് രണ്ട് ലക്ഷം തീര്‍ത്ഥാടകരുടെ താമസ സൌകര്യം കുറയുമെന്നും റിപ്പോര്‍ട്ടുണ്ട്.
കഴിഞ്ഞ വര്‍ഷം ഫറം പള്ളിയില്‍ നിന്ന് പത്തോളം കിലോമീറ്റര്‍ അകലെയുള്ള ശീശ, അസീസിയ പ്രദേശങ്ങളിലായിരുന്നു ഇന്ത്യയില്‍ നിന്ന്, പ്രത്യേകിച്ച്, മലയാളികള്‍ താമസിച്ചിരുന്നത്.
