വരുന്ന ഓസ്ട്രേലിയൻ ഓപ്പണിൽ പങ്കെടുക്കണമെങ്കിൽ നൊവാക് ജോകോവിച്ചടക്കമുള്ള ടെന്നീസ് താരങ്ങൾക്കെല്ലാം തന്നെ കൊവിഡ് വാക്‌സിൻ സ്വീകരിക്കണമെന്ന് ടൂര്‍ണമെന്റ് ഡയറക്ടര്‍ ക്രെയ്ഗ് ടൈലി. മെല്‍ബണില്‍ ജോക്കോവിച്ച് കളിക്കുന്നത് കാണാന്‍ ആഗ്രഹമുണ്ടെന്നും അതിനായി അദ്ദേഹം വാക്‌സിൻ സ്വീകരിച്ചിരിക്കണമെന്നും ടെലി വ്യക്തമാക്കി.
താൻ വാക്‌സിനേഷൻ സ്വീകരിച്ചിട്ടുണ്ടോ എന്ന കാര്യം ജോക്കോവിച്ച് ഇതുവരെ വ്യക്തമാക്കിയിട്ടില്ല. ടൂര്‍ണമെന്റുമായി ബന്ധപ്പെട്ട ആരോഗ്യ ചട്ടങ്ങള്‍ ടെന്നീസ് ഓസ്‌ട്രേലിയ പുറത്തുവിടുന്നതു വരെ കാത്തിരിക്കാമെന്നാണ് ജോക്കോവിച്ചിന്റെ നിലപാട്. ടെന്നീസ് ഓസ്ട്രേലിയയും വിക്‌ടോറിയ സംസ്ഥാന സർക്കാരും തമ്മിൽ നടന്ന ചർച്ചകൾക്ക് ശേഷമാണ് എല്ലാവരും തന്നെ കോവിഡ് വാക്‌സിന്‍ സ്വീകരിച്ചിരിക്കണമെന്ന ചട്ടം വന്നത്.
