നീന്തല്‍ക്കുളത്തിലെ ഇതിഹാസം മൈക്കല്‍ ഫെല്‍പ്സിന് 20 ആം സ്വര്‍ണം; ഒളിംപിക്സ് കരിയറിലെ 24 ആം മെഡല്‍
മൈക്കല്‍ ഫെല്‍പ്സിന് 20 ആം സ്വര്‍ണം
അമേരിക്കന്‍ നീന്തല്‍ ഇതിഹാസം മൈക്കല്‍ ഫെല്‍പ്സിന് 20 ആം സ്വര്‍ണം. 200 മീറ്റര്‍ ബട്ടര്‍ഫ്ലൈസില്‍ ആണ് ഫെല്‍പ്സ് കരിയറിലെ തന്റെ ഇരുപതാം സ്വര്‍ണം നേടിയത്. ഒരു മിനിറ്റ് 53:36 സെക്കന്‍ഡ് കൊണ്ട് പൂര്‍ത്തിയാക്കിയാണ് ഫെല്‍പ്സ് തന്റെ ഒളിംപിക്സ് കരിയറിലെ മെഡല്‍ നേട്ടം 24 ആക്കിയത്.
ജപ്പാന്റെ മസാട്ടോ സക്കായി ഉയര്‍ത്തിയ വെല്ലുവിളിയെ മറികടന്നാണ് ഫെല്‍പ്സ് ഒന്നാമതെത്തിയത്. റിയോ ഒളിംപിക്സില്‍ ഫെല്‍പ്സിന്റെ രണ്ടാം സ്വര്‍ണ നേട്ടമാണിത്. നേരത്തെ, 4*100 മീറ്റര്‍ റിലേയിലും അദ്ദേഹം സ്വര്‍ണം നേടിയിരുന്നു.
