മറ്റൊരു കിടിലന്‍ ഓഫറുമായി എയര്‍ടെല്‍. പ്രതിദിനം ഒരു ജിബി ഡാറ്റ ലഭിക്കുന്ന ഓഫറാണ് ഇപ്പോള്‍ കമ്പനി അവതരിപ്പിച്ചിരിക്കുന്നത്. 198 രൂപയ്ക്കാണ് ഈ ഓഫര്‍ ലഭ്യമാകുക. 28 ദിവസത്തെ വാലിഡിറ്റിയില്‍ ലഭ്യമാകുന്ന ഈ ഓഫറില്‍ സൗജന്യ കോള്‍ ലഭിക്കില്ലെന്നും പകരം മിനിറ്റിന് 30 പൈസ നിരക്കില്‍ വിളിക്കാന്‍ സാധിക്കുമെന്നും കമ്പനിയുടെ റിപ്പോര്‍ട്ടില്‍ പറയുന്നു.
അതേസമയം 199 രൂപയുടെ ഓഫറില്‍ 28 ദിവസത്തേക്ക് ഒരു ജിബി ഡാറ്റയും അണ്‍ലിമിറ്റഡ് കോളുകളും ലഭിക്കുമെന്നും കമ്പനി അറിയിച്ചു. ഈ ഓഫറില്‍ 1 ജിബി ഡാറ്റ മാത്രമേ 28 ദിവസത്തേക്ക് ഉപയോഗിക്കാന്‍ സാധിക്കൂ. തിരഞ്ഞെടുത്ത ഉപയോക്താക്കള്‍ക്ക് മാത്രമേ 198 രൂപയുടെ ഓഫര്‍ ലഭ്യമാകൂയെന്നും ‘ബെസ്റ്റ് ഓഫേഴ്‌സ് ഫോര്‍ യു’ എന്ന വിഭാഗത്തില്‍ ഇതു കാണാന്‍ സൗകര്യമുണ്ടെന്നും കമ്പനി അറിയിച്ചു.