മാഗ്നൈറ്റ് എസ്‌യുവിയുടെ ഇന്റീരിയർ ചിത്രങ്ങൾ പുറത്തുവിട്ട് നിസ്സാൻ, ചിത്രങ്ങൾ !

ഉടൻ ഇന്ത്യൻ വിപണിയിലെത്തിയ്ക്കുന്ന മാഗ്നൈറ്റിന്റെ എക്സ്റ്റീരിയർ ഡിസൻ പൂർണമായും പരിചയപ്പെടുത്തുന്ന വീഡിയോ പുറത്തുവിട്ടതിന് പിന്നാലെ വാഹനത്തിന്റെ ഇന്റീരിയറിന്റെ ചിത്രങ്ങൾ പുറത്തുവിട്ട് നിസ്സാൻ. മാഗ്നൈറ്റ് ഈ മാസം തന്നെ വിപണിയിൽ അതരിപ്പിയ്ക്കും എന്നാണ് പ്രതീക്ഷിയ്ക്കെപ്പെടുന്നത്. കറുപ്പ് ചുവപ്പ് നിറത്തിൽ ഏറെകോംപാക്ട് ആയ ഇന്റീരിയർ ചിത്രത്തിൽ കാണാം. വലിയ ടച്ച് സ്ക്രീൻ ഇൻഫോടെയിൻമെന്റ് സിസ്റ്റമാണ് ഇന്റീരിയറിൽ എടുത്തുപറയേണ്ട സവിശേഷത. 

വാഹനത്തിന്റെ പരീക്ഷണ ഓട്ടം നിസാൻ നേരത്തെ തന്നെ ആരംഭിച്ചിരുന്നു. ഇന്ത്യൻ വിപണിയ്ക്കായി പ്രത്യേകം രൂപകൽപ്പന ചെയ്യുന്ന വാഹനമാണ് നിസ്സാൻ മാഗ്നൈറ്റ്. കഴ്ചയിൽ കരുത്ത് തോന്നുന്ന ഡിസൈനാണ് മാഗ്നൈറ്റിന് നൽകിയിരിയ്ക്കുന്നത്. വലിയ ഗ്രില്ലിന്റെ ഡിസൈനാണ് ഇതിൽ ഏറ്റവും പ്രധാനം, വശങ്ങളിലും ഈ കരുത്തൻ ഡിസൈൻ ശൈലി വ്യക്തമാണ്. റെനോയുടെ എച്ച്‌ബിസി കൺസെപ്റ്റിൽനിന്നും പ്രചോദനം ഉൾക്കൊണ്ടാണ് നിസാൻ പുതിയ വാഹനം ഒരുക്കുന്നത്. 

നാലുമീറ്ററിൽ താഴെ വലിപ്പമുള്ള വാഹനം റെനോ ട്രൈബർ ഒരുക്കിയിരിയ്ക്കുന്ന സിഎംഎഫ്എ പ്ലാറ്റ്ഫോമിലാണ് ഒരുക്കുന്നത്. എച്ച് ആർ 10 എന്ന കോഡ്‌നാമത്തിൽ വികസിപ്പിയ്ക്കുന്ന പുതിയ 1.0 ലിറ്റർ ടർബോ പെട്രോൾ എഞ്ചിന് ആയിരിയ്ക്കും വാഹനത്തിന് കരുത്ത് പകരുക. എന്നാണ് റിപ്പോർട്ടുകൾ. മാരുതി സുസൂക്കിയുടെ വിറ്റാര ബ്രെസ, ഹ്യൂണ്ടായ്‌യുടെ വെന്യു, മഹീന്ദ്രയുടെ എക്സ്‌യുവി 300 എന്നിവയായിരിക്കും നിസാൻ മാഗ്നൈറ്റിന്റെ പ്രധാന എതിരാളികൾ.