മുന്ന് മണിക്കൂറില്‍ ചാര്‍ജാവുന്ന 10000 എംഎഎച്ച്​ ബാറ്ററി; ഫോണ്‍ വിപണിയില്‍ വിപ്ലവം സൃഷ്‌ടിക്കാനൊരുങ്ങി ഔകിടെൽ

ഫോണ്‍ വിപണിയില്‍ വിപ്ലവം സൃഷ്‌ടിക്കാനൊരുങ്ങി ഔകിടെൽ

ചൈനീസ്​ സ്​മാർട്ട്​ഫോൺ നിർമാതാക്കളായ ഔകിടെൽ 10000 എംഎഎച്ച്​ ബാറ്ററിയുള്ള ഫോൺ അവതരിപ്പിക്കുമെന്ന് റിപ്പോര്‍ട്ട്. ജൂൺ ആദ്യവാരത്തിൽ ഫോണി​​​ന്റെ ലോഞ്ചിങ് ഉണ്ടാകും.

മൂന്ന്​ മണിക്കുറിനുള്ളിൽ പൂർണമായും ചാർജാവുന്ന കെ 10,000 പ്രോ 1000 എംഎ എച്ച്​ ബാറ്ററിയുമായിട്ടായിരിക്കും വിപണിയിലെത്തുക. 5.5  ഇഞ്ച്​ ഡിസ്​പ്ലേ, മീഡിയടെക്​ പ്രോസസർ, 3 ജിബി റാം, 32 ജിബി മെമ്മറി എന്നിവയായിരിക്കും ഫോണി​​​ന്റെ മറ്റ്​ പ്രധാന സവിശേഷതകൾ.

ഫിംഗർപ്രിൻറ്​ സ്​കാനർ ഉൾപ്പടെയുള്ള സൗകര്യങ്ങളും പുതിയ ഫോണിൽ ഉണ്ടാവുമെന്നാണ്​ സൂചന. അതേസമയം ഫോണിന്റെ വില സംബന്ധിച്ച കാര്യങ്ങളിളൊന്നും പുറത്തു വന്നിട്ടില്ല. ഫോണ്‍ ഇന്ത്യൻ വിപണിയിലേക്ക് എന്ന് എത്തുമെന്നതിനെക്കുറിച്ച് സൂചനകളൊന്നും ഇതുവരെ ലഭ്യമല്ല.