കിടിലൻ ഫീച്ചറുകളുമായി ജിയോയുടെ പുതിയ സ്മാർട്ട്ഫോൺ 'ലൈഫ് എഫ് വൺ' വിപണിയില്‍
തകര്‍പ്പന്‍ ഫീച്ചറുകളുമായി ജിയോ പുതിയ ഫോൺ പുറത്തിറക്കി
ആകര്‍ഷകമായ ഫീച്ചറുകളുമായി ജിയോ പുതിയ സ്മാര്‍ട്ട്ഫോൺ പുറത്തിറക്കി. 'ലൈഫ് എഫ് വൺ' എന്ന പേരില്‍ എത്തിയിട്ടുള്ള ഈ ഫോണ്‍ റിലയൻസിന്റെ സ്റ്റോറുകളിൽ നിന്നാണ് ലഭിക്കുക. 13999 രൂപയാണ് ഫോണിന്റെ വില
നിരവധി പുതിയ ഫീച്ചറുകളുമായാണ് ഫോണ്‍ വിപണിയിലെത്തുന്നത്. ഫോൺ കാണാതെ പോയാൽ കണ്ടെത്താൻ സഹായിക്കുന്ന സ്മാർട്ട് റിംഗ്, വീഡിയോകൾ കാണുമ്പോൾ ദൃഷ്ടി സ്ക്രീനിൽ നിന്നു മാറിയാൽ തനിയെ വിഡിയോ നിൽക്കുന്ന സംവിധാനം എന്നിവയെല്ലാം ഫോണിലുണ്ട്.
5.5ഇഞ്ച് ഡിസ്പ്ളേയുള്ള ഈ ഫോണില്‍ ഡ്യുവൽ സിം സൌകര്യമാണുള്ളത്. ആൻഡ്രായിഡ് 6.1മാർഷ്മല്ലോയില്‍ പ്രവര്‍ത്തിക്കുന്ന ഫോണിന് 16മെഗാപിക്സൽ പിൻ ക്യാമറ, 8മെഗാ പിക്സൽ മുൻ ക്യാമറ, മൂന്നു ജി.ബി.റാം, 32 ജീ ബി സ്റ്റോറേജ്, സ്നാപ്പ്ഡ്രാഗൺ ഒക്ടാകോർ പ്രോസസർ, 3200mah ബാറ്ററി എന്നിവയുമുണ്ട്.
