സ്റ്റാര്‍ സിറ്റി പ്ലസിന്റെ പുതിയ നിറഭേദവുമായി ടിവിഎസ് വിപണിയില്‍. പുതിയ ബോഡി ഗ്രാഫിക്‌സിനോപ്പമുള്ള ബ്ലാക്-റെഡ് കളര്‍ കോമ്പിനേഷനാണ് സ്റ്റാര്‍ സിറ്റി പ്ലസ് ഡ്യൂവല്‍ ടോണ്‍ വേരിയന്റിന്റെ പ്രധാന ആകര്‍ഷണം. 50,534 രൂപയാണ് ഈ ബൈക്കിന്റെ ഡല്‍ഹി എക്‌സ്‌ഷോറൂം വില.
ഡ്യൂവല്‍ ടോണ്‍ കളറുകള്‍, 3ഡി ക്രോം ലേബല്‍, ബ്ലാക്ഡ്-ഔട്ട് ഗ്രാബ് റെയില്‍ എന്നീ ഫീച്ചറുകള്‍ ഇതില്‍ ഉള്പ്പെടുത്തിയിട്ടുണ്ട്. 110 സിസി ഇക്കോത്രസ്റ്റ് എഞ്ചിനാണ് ബൈക്കിന് കരുത്തേകുന്നത്. 8.3 ബി‌എച്ച്‌പി കരുത്തും 8.7എന്‍‌എം ടോര്‍ക്കും ഉത്പാദിപ്പിക്കുന്ന ഈ എഞ്ചിനില്‍ നാല് സ്പീഡ് ഗിയര്‍ബോക്‌സാണ് നല്‍കിയിട്ടുള്ളത്.
86 കിലോമീറ്ററാണ് കമ്പനി വാഗ്ദാനം ചെയ്യുന്ന ഇന്ധനക്ഷമത. ഡിജിറ്റല്‍-അനലോഗ് ഇന്‍സ്ട്രമെന്റ് ക്ലസ്റ്റര്‍, ഓട്ടോ ഹെഡ്‌ലാമ്പ് ഓണ്‍, അഡ്ജസ്റ്റബിള്‍ റിയര്‍ ഷോക്ക് അബ്‌സോര്‍ബറുകള്‍, ട്യൂബ്‌ലെസ് ടയറുകള്‍ എന്നീ ഫീച്ചറുകളും ഈ ഡ്യുവല്‍ ടോണ്‍ വേരിയന്റില്‍ ഉള്പ്പെടുത്തിയിട്ടുണ്ട്.