6ജിബി റാം, 16 എം‌പി ഡ്യൂവല്‍ പിന്‍ക്യാമറ; വണ്‍ പ്ലസ് 5ടിയെ കെട്ടുകെട്ടിക്കാന്‍ ഷവോമി എം‌ഐ 7 !

6ജിബി റാമില്‍ ഷവോമി Mi 7 എത്തുന്നു

ഷവോമിയുടെ മറ്റൊരു തകര്‍പ്പന്‍ സ്മാര്‍ട്ട് ഫോണ്‍ കൂടി വിപണിയിലേക്കെത്തുന്നു. ഷവോമി എം‌ഐ 7 എന്ന മോഡലാണ് ഉടന്‍ വിപണിയിലേക്കെത്തുക. ഏകദേശം 30000 രൂപയായിരിക്കും ഈ ഫോണിന്റെ വില എന്നാണ് റിപ്പോര്‍ട്ടുകളില്‍ വ്യക്തമാക്കുന്നത്. 

6.01ഇഞ്ച് OLED ഡിസ്പ്ലേ, ക്വാല്‍ക്കം സ്നാപ്ഡ്രാഗണ്‍ 845 പ്രോസസര്‍, 6ജിബി റാം, 3350എംഎഎച്ച് ബാറ്ററി , 16 മെഗാപിക്സലിന്‍റെ ഡ്യൂവല്‍ പിന്‍ക്യാമറ എന്നീ ഫീച്ചറുകളും ഫോണിലുണ്ട്. അടുത്തവര്‍ഷം വിപണിയിലേക്കെത്തുന്ന ഈ ഫോണിന്റെ പ്രധാന എതിരാളി വണ്‍ പ്ലസ് 5ടി ആയിരിക്കുമെന്നും റിപ്പോര്‍ട്ട് വ്യക്തമാക്കുന്നു.