6ജിബി റാം, 128ജിബി സ്റ്റോറേജ്; വിപണിയില്‍ വെന്നിക്കൊടി പാറിക്കാന്‍ ഷവോമി എംഐ നോട്ട് 3 !
ഷവോമിയുടെ Mi Note 3 ഈ മാസം അവസാനം വിപണിയില്‍ എത്തും
ഷവോമിയുടെ ഏറ്റവും പുതിയ സ്മാര്‍ട്ട്ഫോണ്‍ എംഐ നോട്ട് 3 വിപണിയിലേക്കെത്തുന്നു. ആഗസ്റ്റ് മാസം അവസാനത്തോടെയായിരിക്കും ഈ പുതിയ ഫോണിന്റെ വിപണിപ്രവേശനമെന്നാണ് റിപ്പോര്‍ട്ടുകള്‍ പറയുന്നത്. 5.7 ഇഞ്ച് ഫുള്‍ എച്ച്ഡി ആമോലെഡ് ഡിസ്പ്ലേയാണ് ഇതിനുള്ളത്.
ആറ് ജിബി റാം ആയിരിക്കും ഫോണില്‍ ഉണ്ടായിരിക്കുക എന്നാണ് റിപ്പോര്‍ട്ട്. 1080 x 1920 പിക്സല്‍ റെസലൂഷന്‍, Qualcomm MSM8998 Snapdragon 835 പ്രോസസ്സര്‍ എന്നീ ഫീച്ചറുകളും ആന്‍ഡ്രോയിഡ് 7 നൂഗട്ടില്‍ പ്രവര്‍ത്തിക്കുന്ന ഫോണില്‍ ഉണ്ടായിരിക്കുമെന്നും സൂചനയുണ്ട്.
64 ജിബി/128ജിബി ഇന്റേണല്‍ സ്റ്റോറേജ് എന്നിങ്ങനെയുള്ള രണ്ട് വകഭേദങ്ങളിലാണ് ഫോണ്‍ എത്തുക. 12 മെഗാപിക്സല്‍ പിന്‍ ക്യാമറ, 8 മെഗാപിക്സല്‍ സെല്‍ഫി ക്യാമറ, ഫിംഗര്‍ പ്രിന്റ് സ്കാനര്‍, 4ജി വോള്‍ട്ട് എന്നിങ്ങനെയുള്ള നൂതന ഫീച്ചറുകളും ഫോണില്‍ ഉണ്ടായിരിക്കും.
