ഞെട്ടാന്‍ തയ്യാറായിക്കോളൂ... ഗൂഗിള്‍ പിക്സല്‍ ഫോണുകള്‍ക്ക് 13,000 രൂപ ?

ഗൂഗിള്‍ പിക്സല്‍ ഫോണുകള്‍ക്ക് വന്‍ വിലക്കുറവ്

വമ്പന്‍ ക്യാഷ്ബാക്ക് ഓഫറുകളുമായി ഗൂഗിള്‍ പിക്സല്‍. ഓണ്‍ലൈനായും ഓഫ് ലൈനായും പിക്സല്‍ ഫോണുകള്‍ വാങ്ങുന്നവര്‍ക്കാണ് ഈ ഓഫര്‍ ലഭിക്കുകയെന്ന് ഗാഡ്ജറ്റ് നൗ റിപ്പോര്‍ട്ട് ചെയ്യുന്നു. ഗൂഗിള്‍ പിക്സല്‍, പിക്സല്‍ എക്സ്എല്‍ ഫോണുകള്‍ വാങ്ങുന്നവര്‍ക്കും ക്രെഡിറ്റ് കാര്‍ഡ് ഉപയോഗിച്ച് ഇഎംഐയായി ഫോണ്‍ വാങ്ങുന്നവര്‍ക്കും 13,000 രൂപ ക്യാഷ്ബാക്ക് ഓഫര്‍ ലഭിക്കുമെന്നും റിപ്പോര്‍ട്ടുകള്‍ പറയുന്നു. 

മെയ് 31നുള്ളില്‍ ഫോണ്‍ സ്വന്തമാക്കുന്നവര്‍ക്ക് മാത്രമായിരിക്കും ഈ ഓഫര്‍ ലഭിക്കുക. പിക്സല്‍ ഫോണ്‍ വാങ്ങുന്നവരുടെ അക്കൗണ്ടിലേക്ക് 90 ദിവസത്തിനകം ക്യാഷ് ബാക്ക് ലഭിക്കുമെന്ന് ഗൂഗിള്‍ അറിയിച്ചു. എച്ച്ഡിഎഫ്സി, സിറ്റിബാങ്ക്, ആക്സിസ് ബാങ്ക് എന്നിങ്ങനെ മുന്‍നിര ബാങ്കുകള്‍ വഴി പര്‍ച്ചേസ് നടത്തുന്നവര്‍ക്കെല്ലാം ക്യാഷ്ബാക്ക് ഡിസ്കൗണ്ട് ലഭ്യമാകുമെന്നും പറയുന്നു. 

ഗൂഗിള്‍ പിക്സല്‍ 32 ജിബി ഫോണിന് 57,000 രൂപയും 128 ജിബി ഫോണിന് 67,000 രൂപയും പിക്സല്‍ എക്സ്എല്ലിന്റെ 128 ജിബി മോഡലിന് 76,000 രൂപയും 32 ജിബിക്ക് 67,000 രൂപയുമാണ് വില. ഈ ഈ വിലകളില്‍ നിന്നായിരിക്കും 13,000 രൂപ കുറയുക. ഗൂഗിള്‍ പിക്സല്‍  5ഇഞ്ച് ഫുള്‍ എച്ച്ഡി ഡിസ്പ്ലേയുമായെത്തുമ്പോള്‍, എക്സ്എല്ലില്‍ 5.5 ഇഞ്ച് ഡിസ്പ്ലേയാണ് ഗൂഗിള്‍ ഉള്‍പ്പെടുത്തിയിരിക്കുന്നത്.