കോമഡി ഷോകളിലൂടെ മലയാളികളുടെ മനസ്സില്‍ ഇടം തേടിയ താരമാണ് സിനി വർഗീസ്. അഭിനയ മേഖലയില്‍ നിന്നും തനിക്കുണ്ടായ പ്രശ്നങ്ങൾ അടുത്തിടെ ഒരു അഭിമുഖത്തിൽ സിനി പറയുകയുണ്ടായി.
‘ ആരോഗ്യ കാര്യത്തിലും, ശരീര – സൗന്ദര്യ സംരക്ഷണത്തിലും ഒന്നും അത്ര ശ്രദ്ധാലു ആയിരുന്നില്ല താന്‍. അതു കൊണ്ടു തന്നെ തനിക്ക് തടി അല്‍പ്പം കൂടി. കൂടാതെ തൈറോയ്ഡിന്റെ പ്രശ്‌നവും. ഈ സമയത്താണ് എന്റെ സഹപ്രവര്‍ത്തകരില്‍ ചിലര്‍, അതും ഞാന്‍ ജീവനെ പോലെ കൊണ്ടു നടന്നവര്‍ എനിക്കെതിരെ കണ്ണില്‍ ചോരയില്ലാത്ത ഒരു പ്രചരണം നടത്തിയത്. ഞാന്‍ അഭിനയം നിര്‍ത്തി എന്നതായിരുന്നു അത്. അതോടെ എന്നെ ആരും വേഷം ചെയ്യാന്‍ വിളിക്കാതെ ആയി.‘ - സിനി പറയുന്നു.
ഒരു ചാനലിന്റെ ഭാഗത്തു നിന്നുണ്ടായ നിരുത്തരവാദപരമായ പെരുമാറ്റം ആണെന്ന് സിനി തുറന്നു പറയുന്നു. ‘ ഒരു ചാനലിന്റെ ഷോയില്‍ പങ്കെടുക്കുന്നതിനിടയില്‍ ഞാന്‍ ഒന്ന് വീണു. എന്റെ നട്ടെല്ലിന് പരുക്കേറ്റു. ഏഴു വര്‍ഷത്തോളം ചികില്‍സയില്‍ തുടര്‍ന്നു. എന്നാല്‍ ചാനലിന്റെ ഭാഗത്തു നിന്ന് എന്തെങ്കിലും സഹായം പോയിട്ട് എന്റെ അവസ്ഥ തിരക്കി ഒരു ഫോണ്‍ കോള്‍ പോലും ഉണ്ടായില്ല. ഒരു പാട് വേദനിപ്പിച്ച ഒരു സംഭവം ആയിരുന്നു അത്. ‘ സിനി ഒരു മാധ്യമത്തിനു നല്‍കിയ അഭിമുഖത്തില്‍ പങ്കുവച്ചു