റിയ ഉപദ്രവിയ്ക്കുന്നതായി സുഷാന്ത് സന്ദേശമയച്ചു, മൊഴി നൽകി നടി, തെളിവുകൾ കൈമാറിയതായി സൂചന

ഡൽഹി: ബൊളിവുഡ് നടൻ സുഷാന്ത് സിങ് രജ്പുതിന്റെ മരണത്തിൽ റിയ ചക്രബർത്തിയ്ക്കെതിരെ പൊലീസിന് മൊഴി. ബിഹാർ പൊലീസ് രജിസ്റ്റർ ചെയ്ത കേസിൽ പ്രതിയായ റിയ ചക്രബർത്തിയ്ക്കെതിരെ സുഷന്തിന്റെ മുൻ കാമുകി അങ്കിത് ലോഖണ്ടെ മൊഴി നൽകിയതായാണ് വിവരം. റിയ തന്നെ ഉപദ്രവിയ്ക്കുന്നതായി സുഷാന്ത് തന്നോട് വെളിപ്പെടുത്തിയിരുന്നു എന്ന് ആങ്കിത പൊലീസിന് മൊഴി നൽകിയതായാണ് റിപ്പോർട്ടുകൾ. 

ഇത് വ്യക്തമാക്കി സുഷാന്ത് അയച്ച സന്ദേശങ്ങൾ അങ്കിത പൊലീസിസിന് കൈമാറിയതായും റിപ്പോർട്ടുകളുണ്ട്. 'സത്യം ജയിച്ചു' എന്ന് അങ്കിത തന്റെ ഇൻസ്റ്റഗ്രാമിൽ കഴിഞ്ഞ ദിവസം പോസ്റ്റ് ചെയ്തിരുന്നു. സുഷാന്തിന്റെ മരണത്തിൽ ആദ്യ ഘട്ടത്തിൽ തന്നെ ആറോപണം ഉന്നയിച്ചിരുന്ന കങ്കണ റണൗട്ടുമായി അടുത്ത ബന്ധമുള്ള വ്യക്തിയാണ് അങ്കിത ലോഖണ്ടെ. കേസിൽ പാറ്റ്ന പൊലീസ് വിശദമായ അന്വേഷണം തുടരുകയാണ്.

അതേസമയം കേസിൽ റിയ ചക്രബർത്തി സുപ്രീം കോടതിയെ സമീപിച്ചു. പറ്റ്ന പൊലീസ് രജിസ്റ്റർ ചെയ്ത കേസ് മുംബൈയിലേയ്ക് മാറ്റണം എന്ന് ആവശ്യപ്പെട്ടാണ് നടി സുപ്രീം കോടതിയെ സമീപിച്ചത്. സുഷാന്തിന്റെ പിതാവിന്റെ പരാതിയിലാണ് ആത്മഹത്യ പ്രേരണ ഉൾപ്പടെയുള്ള കുറ്റമങ്ങൾ ചുമത്തിൽ റിയ ചക്രബർത്തിയും കുടുംബാംഗങ്ങളും അടക്കം ആറുപേർക്കെതിരെ പാറ്റ്ന പൊലീസ് കേസ് രജിസ്റ്റർ ചെയ്തത്. സുഷാന്തിന്റെ മരണത്തിൽ മുംബൈ പൊലീസിന്റെ അന്വേഷണവും പുരോഗമിയ്ക്കുകയാണ്.