Webdunia - Bharat's app for daily news and videos

Install App

ബിഗ് ബോസ് മലയാളത്തിൽ; നറുക്ക് വീണത് മോഹൻലാലിന്, മമ്മൂട്ടി പിന്നിൽ

മമ്മൂട്ടിയെ പിന്നിലാക്കി മോഹൻലാൽ

Webdunia
ബുധന്‍, 18 ഏപ്രില്‍ 2018 (13:44 IST)
തമിഴിലേയും ഹിന്ദിയിലേയും മികച്ച ടെലിവിഷന്‍ ഷോ ആണ്  ബിഗ് ബോസ്. ബിഗ് ബോസിന് മലയാ‍ളം കൂടെ വരുന്നുവെന്ന് നേരത്തെ റിപ്പോർട്ടുകൾ ഉണ്ടായിരുന്നു. ഇപ്പോഴിതാ, മലയാളം പതിപ്പില്‍ അവതാരകനായി എത്തുന്നത് മോഹന്‍ലാല് ആണെന്ന് സൂചനകൾ‍.
 
നേരത്തെ മമ്മൂട്ടി, സുരേഷ് ഗോപി എന്നിവരെയും അവതാരകരായി പരിഗണിച്ചിരുന്നെങ്കിലും അവസാനം മോഹന്‍ലാലിനെ തന്നെ നിര്‍മ്മാതാക്കള്‍ നിശ്ചയിക്കുകയായിരുന്നു. ജൂണ്‍ മാസത്തോടെ പരിപാടി ആരംഭിക്കാനാണ് അണിയറപ്രവര്‍ത്തകരുടെ തീരുമാനം.
 
നിലവില്‍ ഹിന്ദി, തെലുങ്ക് , കന്നട, തമിഴ് എന്നീ ഭാഷകളില്‍ ബിഗ് ബോസ് അവതരിപ്പിക്കുന്നുണ്ട്. പൂനെയിലെ ലോണാവാലയിലാണ് ഷൂട്ടിംഗ് സെറ്റ്. അതേ സെറ്റില്‍ തന്നെയാണ് മലയാളം പതിപ്പും ഷൂട്ട് ചെയ്യാന്‍ തീരുമാനിച്ചിരിക്കുന്നത്. 
 
മലയാളം സിനിമയിലെ രണ്ടാം നിരക്കാരെയും ടെലിവിഷന്‍ താരങ്ങളെയും ഉള്‍പ്പെടുത്തിയായിരിക്കും ആദ്യ സീസണ്‍ ഷൂട്ടിംഗ് നടത്തുക. സുരേഷ്ഗോപിയെയും നിര്‍മ്മാതാക്കള്‍ പരിഗണിച്ചിരുന്നു. ‘നിങ്ങള്‍ക്കും ആകാം കോടീശ്വരന്‍’ എന്ന ക്വിസ് പ്രോഗ്രാമിലൂടെ മലയാള ടെലിവിഷന്‍ പ്രേക്ഷകര്‍ക്കും പ്രിയങ്കരനാണ് സുരേഷ്ഗോപി. എന്നാല്‍ ഒരു സക്സസ്ഫുള്‍ ഷോയുടെ അവതാരകനെ വീണ്ടും ഇതിലേക്ക് കൊണ്ടുവരേണ്ടെന്ന തീരുമാനത്തിലായിരുന്നു ബിഗ്ബോസ് നിര്‍മ്മാതാക്കള്‍.
 
മോഹന്‍ലാല്‍ ഇപ്പോള്‍ ഒരു ടിവി ഷോ ചെയ്യുന്നുണ്ട്. അമൃതയില്‍ ‘ലാല്‍‌സലാം’ എന്ന ഷോ വിജയവുമാണ്. എന്നാല്‍ ബിഗ് ബോസ് ഫോര്‍മാറ്റുമായി ലാല്‍‌സലാമിന് ബന്ധമൊന്നുമില്ല. അതുതന്നെയാണ് മോഹന്‍ലാലിനെ സമീപിക്കാന്‍ നിര്‍മ്മാതാക്കളെ പ്രേരിപ്പിച്ചതും.
 
അമേരിക്കന്‍ ടി വി ഷോയായ ബിഗ് ബ്രദറിന്‍റെ ഇന്ത്യന്‍ രൂപമാണ് ബിഗ്ബോസ്. ഒരു കൂട്ടം ആളുകള്‍ ഒരേ മേല്‍ക്കൂരയ്ക്ക് കീഴെ കുറച്ചുകാലത്തേക്ക് ജീവിക്കാന്‍ വിടുന്നു. അവരുടെ ബന്ധുക്കളുമായോ കൂട്ടുകാരുമായോ ബന്ധപ്പെടാന്‍ അനുവദിക്കുന്നതല്ല. പുറം‌ലോകവുമായി ബന്ധമില്ലാതിരിക്കുന്ന അവരുടെ ദൈനം ദിന ജീവിതം ഷൂട്ട് ചെയ്യുകയാണ് പരിപാടി. എല്ലാ ആഴ്ചയും ഒരാള്‍ വീതം ഷോയില്‍ നിന്ന് പുറത്താകും. ഏറ്റവും കൂടുതല്‍ വോട്ട് നേടുന്നയാള്‍ ഷോയിലെ വിജയിയാകും.
 
ബിഗ് ബോസ് എല്ലാ ഭാഷയിലും വന്‍ വിജയമാണ് നേടിയത്. ഹിന്ദിയില്‍ സല്‍‌മാന്‍ ഖാനും തമിഴില്‍ കമല്‍ഹാസനും തെലുങ്കില്‍ ജൂനിയര്‍ എന്‍‌ടി‌ആറും അവതരിപ്പിച്ചു. 

അനുബന്ധ വാര്‍ത്തകള്‍

വായിക്കുക

കാനറാ ബാങ്കിന്റെ വായ്പകള്‍ക്ക് ഒറ്റത്തവണ തീര്‍പ്പാക്കല്‍ പദ്ധതി

മെഡലുറപ്പിക്കാമോ?, വനിതാ ചെസ് ലോകകപ്പ് സെമിയിലെത്തി കൊനേരു ഹംപി, ഇന്ത്യയ്ക്ക് ഇരട്ട മെഡൽ പ്രതീക്ഷ

ഒരു ഇരുന്നൂറ് തവണയെങ്കിലും ഞാന്‍ മാപ്പ് പറഞ്ഞിട്ടുണ്ട്, അച്ഛനെ തല്ലിയ ആളല്ലെ എന്ന് ശ്രീശാന്തിന്റെ മകള്‍ ചോദിച്ചപ്പോള്‍ തകര്‍ന്നു പോയി: ഹര്‍ഭജന്‍ സിംഗ്

ക്രിക്കറ്റിലേക്ക് രാഷ്ട്രീയം കൊണ്ടുവരരുത്, ലെജൻഡ്സ് ലീഗിലെ ഇന്ത്യ- പാക് പോരാട്ടം ഉപേക്ഷിച്ചതിൽ പ്രതികരണവുമായി അഫ്രീദി

Pak vs Ban: ബംഗ്ലാദേശിനെതിരെ മുട്ടിനിൽക്കാൻ പോലും കെൽപ്പില്ല, നാണം കെട്ട് പാകിസ്ഥാൻ, ചരിത്രത്തിൽ ഇങ്ങനൊരു തോൽവി ഇതാദ്യം

എല്ലാം കാണുക

ഏറ്റവും പുതിയത്

പത്തനാപുരത്ത് വനിതാ ഡോക്ടറുടെ വായിൽ തുണി തിരുകി, പീഡന ശ്രമം; യുവാവ് പിടിയിൽ

ക്യാപിറ്റൽ പണിഷ്‌മെന്റ് എന്നൊരു വാക്ക് സമ്മേളനത്തിൽ ഉണ്ടായിട്ടില്ല; സുരേഷ് കുറുപ്പിനെതിരെ ചിന്ത ജെറോം

'ഇന്ത്യയെക്കുറിച്ച് ഇതുപറയാൻ എനിക്ക് മടിയില്ല'; അമേരിക്കക്കാരിയുടെ വീഡിയോയിൽ കമന്റുകളുടെ പെരുമഴ

തിരുവനന്തപുരം മൃഗശാലയിൽ ജീവനക്കാരനെ കടുവ ആക്രമിച്ചു; തലയ്ക്ക് പരിക്ക്, സംഭവം കൂട് വൃത്തിയാക്കുന്നതിനിടെ

റെയിൽവേ ജോലി വാഗ്ദാനം ചെയ്ത് 4 ലക്ഷം രൂപ തട്ടിയെടുത്തു; യുവതി അറസ്റ്റിൽ

അടുത്ത ലേഖനം
Show comments