ബിഗ് ബോസിൽ നിന്നും പേളി പുറത്തേക്ക്?- ഞെട്ടിച്ച് ക്യാപ്റ്റൻ

പേർളി അഭിനയിക്കുകയായിരുന്നുവെന്ന്...

കേരളത്തിലെ പ്രേക്ഷകർ ഒന്നടങ്കം ആകാംഷയോടെ ഉറ്റുനോക്കുന്ന ബിഗ് ബോസ് ഒരാഴ്ച പിന്നിട്ടിരിക്കുകയാണ്. ആദ്യ വാരം ഡെവിഡ് ആണ് പുറത്തായത്. രണ്ടാം വാരത്തിലെ ക്യാപ്റ്റൻ രഞ്ജിനി ഹരിദാസ് ആണ്. 

പുതിയ എപ്പിസോഡ് തുടങ്ങിയതിന് ശേഷമാണ് ഈയാഴ്ച പുറത്തുപോവുന്ന മത്സരാര്‍ത്ഥിയെ നോമിനേറ്റ് ചെയ്യാന്‍ നിര്‍ദേശിച്ചത്. പേളി മാണിയെ പുറത്താക്കണമെന്നാണ് കൂടുതല്‍ പേരും നിര്‍ദേശിച്ചിട്ടുള്ളത്. മത്സരാർത്ഥികളെല്ലാം താരത്തെ കുറിച്ച് ഇതിനോടകം പരാതി പറഞ്ഞു കഴിഞ്ഞു.

അവതാരകയായും അഭിനേത്രിയായും ഗായികയായും മികച്ച പ്രകടനം പുറത്തെടുത്ത പേളി മാണി പരിപാടിയില്‍ നിന്നും പുറത്തേക്ക് പോവുമോയെന്നറിയാനായി കാത്തിരിക്കുകയാണ് പ്രേക്ഷകര്‍. ആറ് വോട്ടുകളുമായി പേളിയാണ് മുന്നിലുള്ളത്. ഹിമയും അരിസ്റ്റോ സുരേഷുമാണ് തൊട്ടുപിറകിലുള്ളത്. അഞ്ച് വോട്ടുകളാണ് ഇവര്‍ക്ക് ലഭിച്ചത്. ആരായിരിക്കും പുറത്തേക്ക് പോവുന്നതെന്നറിയാന്‍ ഇനിയും കാത്തിരിക്കണം.