ട്രോളർമാരുടെ പ്രിയ താരം ദശമൂലം ദാമു നായകനാകുന്നു! - മനസ് തുറന്ന് ഷാഫി
ചിരിപ്പിക്കാൻ ഒരുങ്ങി ദശമൂലം ദാമു!
ചൊവ്വ, 7 ഓഗസ്റ്റ് 2018 (08:09 IST)
ട്രോളന്മാരുടെ പ്രിയ താരമാണ് ദശമൂലം ദാമു. 2009 ല്‍ റിലീസ് ആയ മമ്മൂട്ടിയുടെ ചട്ടമ്പിനാട്ടിൽ സുരാജ് വെഞ്ഞാറമൂട് അവതരിപ്പിച്ച ഹാസ്യകഥാപാത്രമായിരുന്നു ദാമു. ദാമു വളരെ പെട്ടന്നാണ് പ്രേക്ഷകരുടെ മനസ്സിൽ ഇടം‌പിടിച്ചത്.
ഏവരുടെയും ഇഷ്ടകഥാപാത്രമായ ദാമുവിനെ നായകനാക്കി ഒരു സിനിമയെടുക്കണമെന്ന് സംവിധായകന്‍ ഷാഫിയോട് അടുത്തിടെ ട്രോളന്മാര്‍ ആവശ്യപ്പെട്ടിരുന്നു. ട്രോളർമാരുടെ ആവശ്യപ്രകാരം ദശമൂലം ദാമു എന്ന ടൈറ്റില്‍ തന്നെ വൈകാതെ ഒരു ചിത്രമുണ്ടാവുമെന്ന സൂചനയുമായി സംവിധായകന്‍ ഷാഫി രംഗത്തെത്തിയിരിക്കുന്നു.
ചട്ടമ്പിനാടിലെ ദശമൂലം ദാമുവിനെ ടൈറ്റില്‍ റോളില്‍ അവതരിപ്പിക്കുന്ന ഒരു ചിത്രം താമസിക്കാതെ തന്നെ ഉണ്ടാകുമെന്നാണ് സംവിധായകന്‍ പറയുന്നത്. ദാമുവിനെ നായകനാക്കി ചെയ്യാന്‍ പറ്റിയ ഒരു കഥ തന്റെ പക്കലുണ്ടെന്നും സംവിധായകന്‍ പറഞ്ഞു.