വേദന സഹിക്കാനായില്ല, വെളുത്തുള്ളിയുടെ അല്ലി ചെവിയിൽ തിരുകികയറ്റി യുവാവ്; പിന്നീട് സംഭവിച്ചത്!

വെളുത്തുള്ളി ചെവിയില്‍ ചതച്ച് വെച്ച് ഒരാഴ്ച കഴിഞ്ഞതോടെ വേദന കൂടുകയായിരുന്നു.

പൊതുവെ ശരീരത്തിന് എന്തെങ്കിലും മുറിവുകളോ മറ്റ് അസ്വസ്ഥതകളോ ഉണ്ടായാല്‍ സ്വയം മരുന്ന പരീക്ഷിക്കുന്ന സ്വഭാവം പലര്‍ക്കുമുണ്ട്. എന്നാല്‍ ഇത് പലതരം അപകടങ്ങളും വിളിച്ചു വരുത്താറുണ്ട്. ഒരിക്കലും സ്വയം ചികിത്സിക്കരുതെന്ന് ആണ് ഏവരും പറയുന്നത്. ഇപ്പോള്‍ കഠിനമായ ചെവി വേദനയെ തുടര്‍ന്ന് യുവാവ് വേദനമാറാന്‍ പരീക്ഷിച്ചത് ഒടുവില്‍ യുവാവിന് തന്നെ വിനയായിരിക്കുകായണ്.

കഠിനമായ ചെവി വേദന ഉണ്ടായതോടെ വേദന മാറാനായി യുവാവ് വെള്ളുത്തുള്ളി ചതച്ച് വെയ്ക്കുകയായിരുന്നു. ഇതോടെ യുവാവിന് മുട്ടന്‍ പണിയും കിട്ടി. വെളുത്തുള്ളി ചെവിയില്‍ ചതച്ച് വെച്ച് ഒരാഴ്ച കഴിഞ്ഞതോടെ വേദന കൂടുകയായിരുന്നു. മാത്രമല്ല ചെവിയില്‍ നിന്നും ദുര്‍ഗന്ധം വമിക്കാനും തുടങ്ങി. ഉടന്‍ തന്നെ ഇയാള്‍ ആശുപത്രിയില്‍ ചികിത്സ തേടി.

ചൈനയിലെ ഗ്വാങ്‌ഡോംഗ് പ്രവിശ്യയിലെ ഹുയാങ് ജില്ലയിലാണ് സംഭവം. ജില്ലയിലെ സാന്‍ഹെ ആശുപത്രിയിലെ ചെവിയുടെ സ്‌പെഷ്യലിസ്റ്റ് ഡോക്ടര്‍ സോങ് യിജുനെ കണ്ടത്. ഡോക്ടര്‍ ചെവിക്കുള്ളില്‍ പരിശോധന നടത്തിയപ്പോള്‍ വലുപ്പത്തിലുള്ള ഒരു കുരു പൊട്ടിയിരിക്കുകയായിരുന്നുവെന്നും ചെവിക്കുള്ളില്‍ വെളുത്തുള്ളി വച്ചതാണ് ഇത്രയും ഗുരുതരമാകാന്‍ കാരണമെന്നും കണ്ടെത്തി.

കുറെ നാളായി ചെവി വേദന യുവാവിനെ അലട്ടുന്നുണ്ടായിരുന്നു. ഡോക്ടറിനെ കാണാതെ അത് താനെ പോകുമെന്ന് കരുതി ആഴ്ച്ചകളോളം വേദന കൊണ്ട് നടന്നു. വേദന അമിതമായപ്പോള്‍ ചെവിയ്ക്കുള്ളില്‍ അണുബാധ ഉണ്ടായി. അണുബാധ അകറ്റാന്‍ വെളുത്തുള്ളി നല്ലതാണെന്ന് ഒരു ഓണ്‍ലൈനില്‍ വായിച്ചിരുന്നതനുസരിച്ച് പരീക്ഷണം നടത്തുകയായിരുന്നുവെന്നു യുവാവ് പറഞ്ഞു. ഓണ്‍ലൈനില്‍ കാണുന്നതും അല്ലെങ്കില്‍ ആരെങ്കിലും പറഞ്ഞത് കേട്ടും ഒരു കാരണവശാലും ഇത്തരം പരീക്ഷണങ്ങള്‍ ചെയ്യരുതെന്ന് ഡോ.സോങ് മുന്നറിയിപ്പ് നല്‍കി.