പൗഡർ കഴിക്കുന്ന ആരെയെങ്കിലും നിങ്ങൾ കണ്ടിട്ടുണ്ടോ ? എങ്കിൽ അഞ്ച് കുട്ടികളുടെ അമ്മയായ ഈ 44 കാരിയുടെ ഇഷ്ടടപ്പെട്ട ഭക്ഷണമാണ് പൗഡർ. പൗഡർ കഴിക്കാത്ത ഒരു ദിവസം പോലും ഇംഗ്ലണ്ട് സ്വദേശിനിയായ ലിസ ആൻഡേഴ്സണ് ജീവിക്കാൻ സാധിക്കില്ല. ഇതിനായി ലക്ഷങ്ങളാണ് ഇവർ ചിലവഴിക്കുന്നത്.
ഒരു ദിവസം കുറഞ്ഞ 200 ഗ്രാം പൗഡറെങ്കിലും ഇവർ കഴിക്കും. 2004ൽ അഞ്ചാമത്തെ കുഞ്ഞിന് ജൻമം നൽകിയ ശേഷമാണ് ഇവർക്ക് പൗഡറിനോട് കൊതി തോന്നുന്നത്. ജോൺസൺ ആൻഡ് ജോൺസണിന്റെ പൗഡറാണ് ഇവർ കഴിക്കുന്നത്. പൗഡർ വാങ്ങുന്നതിനായി ഏഴു ലക്ഷത്തിൽ അധികം രൂപ ഇവർ ചിലവിട്ടുകഴിഞ്ഞു.
ബാത്ത്‌റൂമിൽ ഇടക്കിടക്ക് പോകുന്നത് എന്തിനാണെന്ന് മുൻ ഭർത്താവ് ചോദ്യം ചെയ്തതോടെയാണ് ലിസയുടെ പൗഡർ തീറ്റ പുറത്തറിയുന്നത്. പരിശോധനൽ 'പികാ സിൻഡ്രോം' എന്ന രോഗാവസ്ഥയാണ് ഇതെന്ന് കണ്ടെത്തുകയും ചെയ്തു. പെയിന്റ്, പൊടി, തുടങ്ങിയ കഴിക്കാൻ കൊതി തോന്നുന്ന രോഗാവസ്ഥയാണ് ഇത്.
എന്നാൽ ചികിത്സ കൊണ്ടൊന്നും ലിസക്ക് മാറ്റം വന്നില്ല. പൗഡർ തിന്നാതെ തനിക്ക് ജീവിക്കാനാകില്ല എന്നാണ് ലിസ പറയുന്നത്. ആ മണം എന്നെ ആകർഷിക്കുന്നു, രാത്രിയിലാണ് പൗഡർ കഴിക്കാൻ ഏറെ കൊതി തോന്നുന്നത്. പൗഡർ എന്റെ ജീവിതത്തിന്റെ ഭാഗമായി കഴിഞ്ഞിരിക്കുന്നു. ലിസ പറയുന്നു. പൗഡർ കഴിക്കുന്നതിലൂടെ മാരകമായ അസുഖങ്ങൾ വരുമെന്ന മുന്നറിയിപ്പുകളൊന്നും കണക്കിലെടുക്കാതെ ലിസ പൗഡർ തിന്നുന്നത് തുടരുകയാണ്.
