മീടൂ ആരോപണവുമായി നടി ശോഭനയും?
മീടൂ ആരോപണവുമായി നടി ശോഭനയും?
മീടൂ ചർച്ചകൾ രാജ്യമെങ്ങും വിവാദങ്ങൾ സൃഷ്‌ടിച്ചുകൊണ്ടിരിക്കുകയാണ്. സിനിമാ നടികളും നടന്മാരും ഒക്കെ വെളിപ്പെടുത്തലുകളുമായി രംഗത്തെത്തുകയാണ്. ഏറ്റവും കൂടുതൽ വെളിപ്പെടുത്തലുകൾ വരുന്നതും സിനിമാ ലോകത്തുനിന്നുതന്നെയാണ്. ഇപ്പോൾ ചർച്ചയായിക്കൊണ്ടിരിക്കുന്നത് നടി ശോഭനയുടെ മീ ടൂ ആണ്.
നടി ഫേസ്‌ബുക്കിൽ മീടൂ പോസ്‌റ്റ് ഇട്ടെങ്കിലും മിനിറ്റുകൾക്കകം തന്നെ അത് നീക്കംചെയ്യുകയും ചെയ്‌തു. എന്നാൽ അതിന് ശേഷം വിശദീകരണവുമായി നടി രംഗത്തെത്തുകയും ചെയ്‌തു. പോസ്‌റ്റിന് താഴെ പ്രതികരണങ്ങളുമായി നിരവധി പേര്‍ രംഗത്തെത്തിയതിന് പിന്നാലെയാണ് പോസ്‌റ്റ് നീക്കം‌ചെയ്‌തതെങ്കിലും മറ്റ് കാരണങ്ങൾ ഉണ്ടോ എന്നത് വ്യക്തമല്ല.
ആരുടേയും പേരും മറ്റും വെളിപ്പെടുത്താതെ ആയിരുന്നു 'മീടൂ' എന്ന് പോസ്‌റ്റ് ഇട്ടത്. ആദ്യത്തെ പോസ്‌റ്റ് നീക്കം ചെയ്‌തതോടെ തൊട്ടുപിന്നാലെ തന്നെ വിഷയത്തില്‍ വിശദീകരണവുമായി താരത്തിന്റെ രണ്ടാമത്തെ പോസ്‌റ്റെത്തി. തങ്ങള്‍ക്ക് നേരിട്ട ലൈംഗിക അതി‌ക്രമങ്ങള്‍ തുറന്നുപറയാന്‍ ധൈര്യം കാണിച്ച സ്ത്രീകള്‍ക്ക് പിന്തുണ പ്രഖ്യാപിച്ചാണ് താന്‍ മീ ടൂ ക്യാംപയിനിന്റെ ഭാഗമായതെന്നാണ് താരത്തിന്റെ വിശദീകരണം. ഭാവിയില്‍ സ്ത്രീകള്‍ക്ക് നല്ല രീതിയില്‍ ജോലി ചെയ്യാന്‍ ആവശ്യമായ സാഹചര്യം ഒരുക്കാന്‍ ഇത്തരം മുന്നേറ്റങ്ങള്‍ കാരണമാകുമെന്നും താരം കുറിച്ചു.
