'നീ ആരാടി പുല്ലേ' എന്ന് ആര്യയോട്, തെറിവിളിച്ചും അസഭ്യം പറഞ്ഞും അധിക്ഷേപിച്ച എല്ലാവരും കുടുങ്ങും!

ബിഗ് ബോസ് ഹൗസിൽ നിന്നും തിരിച്ചെത്തിയ ഭൂരിഭാഗം ആളുകൾക്ക് നേരേയും സൈബർ ആക്രമണം ശക്തമാണ്. ഇതിൽ ആര്യ, ജസ്ല, ഫുക്രു, മഞ്ജു, വീണ എന്നിവർക്കെതിരെയാണ് വളരെ മോശമായ രീതിയിൽ സൈബർ ആക്രമണം നടക്കുന്നത്. രജിത് കുമാർ ഒഴിച്ചുള്ള മറ്റെല്ലാ മത്സരാർത്ഥികൾക്ക് നേരേയും സൈബർ അറ്റാക് നടന്നിട്ടുണ്ട്. രജിത് കുമാറിനെ വളരെ സഭ്യവും ആരോഗ്യപരവുമായ രീതിയിൽ മാത്രമാണ് ആളുകൾ വിമർശിച്ചിട്ടുള്ളത്. എന്നാൽ, മറ്റ് മത്സരാർത്ഥികൾക്ക് നേരെ വളരെ മോശമായ രീതിയിലാണ് ചില വെട്ടുകിളി കൂട്ടങ്ങൾ പ്രതികരിക്കുന്നത്.

കൊറോണ കഴിഞ്ഞാൽ കുറച്ച് ഫാൻസ് വെട്ടുകിളി കൂട്ടങ്ങൾ പൊലീസ് പിടിയിലാകുമെന്ന് ഉറപ്പ്. ഇത് ഉറപ്പ് തരുന്ന വാക്കുകളാണ് ആര്യ കഴിഞ്ഞ ദിവസം സോഷ്യല് മീഡിയകളിൽ കുറിച്ചത്. കഴിഞ്ഞ ദിവസം ഇൻസ്റ്റഗ്രാമിൽ സാരിയിൽ നിൽക്കുന്ന ഒരു ചിത്രം പങ്കുവെച്ചിരുന്നു. പോസിറ്റീവ് കമന്റുകൾക്കൊപ്പം താരത്തെ വിമർശിക്കുന്ന കമന്റുകളും പ്രത്യക്ഷപ്പെട്ടിരുന്നു.'' "നീ ആരാടി പുല്ലേ" എന്നൊരു കമന്റ് ഒരു വ്യക്തി ഇട്ടിരുന്നു.  

ഇതിനെതിരെ ചിലർ പ്രതികരിച്ചപ്പോൾ അവർക്ക് ആര്യ നൽകിയ മറുപടി ഇങ്ങനെ: '‘സാരമില്ല സുഹൃത്തേ, അവർ പറയട്ടെ. സൈബർ സെൽ നിർദ്ദേശമനുസരിച്ച് ഞാൻ തെളിവുകൾ ശേഖരിക്കുകയാണ്. പലരും അതൊരു തമാശയായാണ് കാണുന്നത്. പക്ഷെ അതെന്തെന്ന് അവർ വൈകാതെ അറിയും. അതാണ് എന്റെ നിശബ്ദതയ്ക്കു പിന്നിൽ.' ഇങ്ങനെയാണ് ആര്യയുടെ മറുപടി.

ഏതായാലും കൊറോണയെ തുടർന്നുള്ള ലോക്ക് ഡൗണിൽ തന്നെ വളരെ മോശമായി ചിത്രീകരിക്കുകയും അധിക്ഷേപിക്കുകയും ചെയ്തവരെ സ്ക്രീൻ ഷോട്ട് എടുത്ത് നിയമപരമായി നേരിടാനുള്ള തയ്യാറെടൽപ്പിലാണ് ആര്യ.