ബോളിവുഡിന്റെ പ്രിയ നായികയാണ് പ്രിയങ്ക ചോപ്ര. ഭർത്താവ് നിക് ജൊനാസുമൊത്ത് അടിപൊളി ലൈഫ് ആസ്വദിക്കുകയാണ് താരമിപ്പോൾ. തന്റെ അച്ഛനുമായി ഇടയ്ക്ക് ഈഗോക്ലാഷ് ഉണ്ടായിരുന്നതായി നടി വെളിപ്പെടുത്തുന്നു. ഒരു മാസികക്ക് നല്കിയ അഭിമുഖത്തിലാണ് തന്റെ കൗമാരലൈഫിനെ കുറിച്ച് പ്രിയങ്ക തുറന്ന് പറഞ്ഞത്.
'12ആം വയസില്‍ ചുരുളമുടിയുള്ള ചെറിയ കുട്ടിയായാണ് താന്‍ അമേരിക്കയിലേക്ക് പോയത്. എന്നാല്‍ തിരിച്ച് വന്നപ്പോൾ അച്ഛൻ ഞെട്ടി. 16 വയസുള്ള വലിയ പെണ്ണായായിരുന്നു ഞാൻ അപ്പോഴേക്കും. ഞാന്‍ തിരിച്ചെത്തിയപ്പോള്‍ ആദ്യ ആഴ്ചകളില്‍ എന്തു ചെയ്യണമെന്ന് അച്ഛന് മനസിലായിരുന്നില്ല'
”യൂണിഫോമില്ലായിരുന്നു അവിടെ, വിദ്യാര്‍ഥികള്‍ക്ക് ലോക്കറുകള്‍ വരെ അനുവദിക്കുമായിരുന്നു അവർ. എട്ടാം ക്ലാസ് മുതല്‍ അവിടെയുള്ള കുട്ടികള്‍ ത്രെഡിംഗും ഷേവിംഗും തുടങ്ങും. ഇതൊന്നും അച്ഛന് അറിവില്ലായിരുന്നു. തിരിച്ച് വീട്ടിൽ എത്തിയപ്പോൾ ആണ്‍കുട്ടികള്‍ എന്നെ പിന്തുടര്‍ന്ന് വരാൻ തുടങ്ങി. അപ്പോഴൊക്കെ അച്ഛന് ജനലുകള്‍ അടച്ചുവെച്ചു. ഇറുകിയ വസ്ത്രങ്ങള്‍ ധരിക്കുന്നത് അച്ഛന് വിലക്കി. ഞങ്ങള്‍ തമ്മില്‍ ഈഗോ ക്ലാഷുണ്ടായിരുന്നു. എന്നാല്‍ അച്ഛനും താനും തമ്മില്‍ നല്ല ബന്ധത്തിലായിരുന്നുവെന്നും പ്രിയങ്ക പറഞ്ഞു.
