ഈയാഴ്ചയിലെ വീക്കിലി ടാസ്‌കിന്റെ ഫലം ബിഗ് ബോസ് പ്രഖ്യാപിച്ചു. വാശിയോടെ മത്സരാര്‍ത്ഥികള്‍ ഓരോരുത്തരും മത്സരിച്ചെങ്കിലും അന്തിമവിജയം സ്വന്തമാക്കിയത് ശോഭ വിശ്വനാഥ് ആയിരുന്നു.
ടാസ്‌കില്‍ 68 രത്‌നങ്ങളാണ് സ്വന്തമാക്കിയത്. ഓരോ മത്സരാര്‍ത്ഥികളെയും പ്രത്യേകം കണ്‍ഫെഷന്‍ റൂമിലേക്ക് വിളിപ്പിച്ചാണ് കൈവശമുള്ള രത്‌നങ്ങളുടെ കണക്ക് ബിഗ് ബോസ് എടുത്തത്. രത്‌നങ്ങള്‍ എണ്ണിത്തിട്ടപ്പെടുത്തിയതും അവിടെ വച്ചായിരുന്നു.
ഈ വാരത്തിലെ നോമിനേഷന്‍ നിന്ന് ശോഭ മുക്തനായി. അടുത്ത വാരത്തേക്കുള്ള ക്യാപ്റ്റന്‍സി മത്സരത്തിലേക്ക് ശോഭ മത്സരിക്കാനും സാധ്യതയുണ്ട്. അത് വിജയിക്കുകയാണെങ്കില്‍ ബിഗ് ബോസ് അഞ്ചാം സീസണിലെ രണ്ടാമത്തെ വനിതാ ക്യാപ്റ്റനായി ശോഭ മാറും.റെനീഷയാണ് ഈ ആഴ്ചയിലെ ക്യാപ്റ്റന്‍.
