പേളി 'അയ്യേ' പറഞ്ഞു, അവിടെ തുടങ്ങി ബിഗ് ബോസിലെ അടുത്ത പ്രശ്‌‌നം!

ബിഗ് ബോസ് ഹൗസിലെ പ്രശ്‌നങ്ങൾക്ക് അവസാനമില്ല. കഴിഞ്ഞ ദിവസത്തെ എപ്പിസോഡിൽ പേളിയും സാബുവും തമ്മിലുള്ള മുട്ടൻ വഴക്കിനായിരുന്നു പ്രേക്ഷകർ സാക്ഷ്യം വഹിച്ചത്. ചെരുപ്പ് എറിഞ്ഞതിനെത്തുടർന്ന് നിരവധി പ്രശ്‌നങ്ങളാണ് പേളിയും സാബുവും തമ്മിൽ ഉണ്ടായിരുന്നത്.

ഇപ്പോഴുള്ള പ്രശ്‌നം ചെരുപ്പ് അല്ല. അഞ്ജലിയ്ക്കെതിരെ ബിഗ് ബോസ് ഹൗസിൽ വിവേചനം ഉണ്ടാകുന്നുണ്ടെന്ന് സാബു പറ‍ഞ്ഞിരുന്നു. എന്നാൽ അതിനെതിരെ പേളി രംഗത്തെത്തുകയായിരുന്നു. അവിടെയാണ് പ്രശ്‌നങ്ങൾ ഒന്നിനുപിറകേ ഒന്നായി വരാൻ തുടങ്ങിയത്. അങ്ങനെയൊരു വിവേചനം ഒന്നുമില്ലെന്നും അഞ്ജലിയ്ക്കെതിരെ വിവേചനം ഉണ്ടാക്കുന്നത് സാബുവിന്റെ വാക്കുകളാണെന്നും പേളി തിരിച്ചടിച്ചു. 

തർക്കം മൂത്തപ്പോൾ പേലിയുടെ ബെസ്‌റ്റായ അരിസ്‌റ്റോ സുരേഷും സാബുവിന്റെ ചങ്കായ രഞ്ജിനിയും അവിടെ എത്തി. തുടർന്ന് പേളിയെ രഞ്ജിനി പുറത്തേയ്ക്ക് കൊണ്ടു പോകുകയായിരുന്നു. അ‍ഞ്ജലിയുടെ നൈറ്റി അനൂപ് ധരിച്ചപ്പോൾ പേളി അയ്യേ എന്ന് ആക്കിയെന്നായിരുന്നു ആരോപണം. എന്നാൽ താൻ അത് മോശമായ രീതിയിൽ അല്ല പറഞ്ഞതെന്നും. തമാശ രൂപേണേയാണ് പറഞ്ഞതെന്നും പളി പറഞ്ഞു. എന്നാൽ അത് അവിടെ തെളിയിക്കാൻ പേളിയ്ക്ക് കഴിഞ്ഞില്ല.