കുടുംബവിളക്ക് താരങ്ങള്‍ കുമിളിയില്‍; കാരണം വെളിപ്പെടുത്തി സുമിത്ര

ഏറെ ആരാധകരുള്ള പരമ്പരയാണ് കുടുംബവിളക്ക്. ഏഷ്യാനെറ്റില്‍ രാത്രി എട്ടിനാണ് കുടുംബവിളക്ക് സംപ്രേഷണം ചെയ്യുന്നത്. കുടുംബവിളക്കില്‍ ഏറ്റവും കൂടുതല്‍ ആരാധകര്‍ ഉള്ള കഥാപാത്രം ആരാണെന്ന് ചോദിച്ചാല്‍ രണ്ടാമതൊന്ന് ചിന്തിക്കാതെ 'സുമിത്ര' എന്ന് പ്രേക്ഷകര്‍ മറുപടി പറയും. പ്രശസ്ത നടി മീര വാസുദേവന്‍ ആണ് കുടുംബവിളക്കില്‍ സുമിത്രയായി അഭിനയിക്കുന്നത്. 

കുടുംബവിളക്ക് സീരിയലുമായി ബന്ധപ്പെട്ട ഏറ്റവും പുതിയ അപ്‌ഡേറ്റ് നല്‍കിയിരിക്കുകയാണ് മീര ഇപ്പോള്‍. കുടുംബവിളക്കിലെ അഭിനേതാക്കളായ തങ്ങള്‍ ഇപ്പോള്‍ കുമിളിയിലാണെന്നാണ് മീര പറയുന്നത്. 

പുതുവര്‍ഷത്തോട് അനുബന്ധിച്ചുള്ള പ്രത്യേക എപ്പിസോഡ് ഷൂട്ട് ചെയ്യുന്നത് കുമിളിയിലാണ്. ഇതിനായാണ് താരങ്ങള്‍ ഇടുക്കിയിലെത്തിയിരിക്കുന്നത്. കുമിളിയിലെ ഒരു ഹോട്ടലില്‍ നിന്നുള്ള ചിത്രങ്ങളും ആരാധകരുടെ സ്വന്തം സുമിത്ര ഇന്‍സ്റ്റഗ്രാമില്‍ പങ്കുവച്ചിട്ടുണ്ട്. കുടുംബവിളക്കിലെ പ്രമുഖ അഭിനേതാക്കളായ ആതിര മാധവും ശരണ്യ ആനന്ദും ഈ ചിത്രങ്ങളില്‍ ഇല്ല. ഇരുവരേയും മിസ് ചെയ്യുന്നതായും മീര വാസുദേവ് ഇന്‍സ്റ്റഗ്രാമില്‍ കുറിച്ചു.