റേറ്റിംഗ് കുറഞ്ഞത് കൊണ്ടാണോ ബിഗ് ബോസ് അഞ്ചിലേക്ക് മുന്‍ മത്സരാര്‍ത്ഥികളെ ക്ഷണിച്ചതെന്ന ചോദ്യം ഉയരുന്നുണ്ട്. ഇതിനെക്കുറിച്ച് രജിത്ത് കുമാര്‍ തന്നെ തുറന്നു പറയുന്നു.
സീസണ്‍ ഫൈവിലെ റേറ്റിങ്ങിന് ഒരു കുറവും ഇല്ല. ടിആര്‍പി ഗംഭീരമായി തന്നെ പോകുമെന്നാണ് രജിത്ത് കുമാര്‍ പറയുന്നത്. ഷോയിലേക്ക് വരാനുള്ള കാരണവും അദ്ദേഹം വെളിപ്പെടുത്തുന്നു.
തന്നെ തിരിച്ചു കയറ്റണമെന്ന് നിരവധി പേര്‍ ആവശ്യപ്പെട്ടു.സപ്പോര്‍ട്ട് ചെയ്തു. ഒരുപക്ഷേ അതാകാം ഞാന്‍ വീണ്ടും വരാന്‍ കാരണമായത്. മുന്‍ സീസണുകളില്‍ ഒന്നും ഇങ്ങനെ ഒരു ഐഡിയ വന്നിട്ടുണ്ടാകില്ല. ആര്‍ക്കും ദോഷമുണ്ടാക്കാതെ ഷോയ്ക്ക് ദോഷമുണ്ടാക്കാതെ ഓരോ കാര്യങ്ങളിലും എങ്ങനെ മാറ്റം വരുത്താം എന്ന നിര്‍ദ്ദേശങ്ങള്‍ കൊടുത്തു. അല്ലാതെ ആ വീട് നിയന്ത്രിക്കാന്‍ അതിഥിയായി വന്ന ഞാന്‍ തന്നെ മുന്‍കൈ എടുക്കുക ആണെങ്കില്‍, വന്നവരെ ചവിട്ടി പുറത്താക്കില്ലേ എന്നാണ് അദ്ദേഹം ചോദിക്കുന്നത്.ഞങ്ങള്‍ പോകുന്നതിന് മുന്‍പ് ടിആര്‍പിക്ക് ഒരു ദോഷവും വന്നിട്ടില്ലെന്നും രജിത്ത് കുമാര്‍ കൂട്ടിച്ചേര്‍ത്തു.
