സംസ്കൃതത്തില്‍ ‘ധനുസ്’ എന്ന വാക്കിനര്‍ത്ഥം വില്ല് എന്നാണ്. മുറുക്കിയ വില്ലിനെ അനുസ്മരിപ്പിക്കുന്ന യോഗാസനാവസ്ഥയാണ് ധനുരാസനം എന്നറിയപ്പെടുന്നത്. ഈ ആസനാവസ്ഥയില്‍, നെഞ്ച്, തുടകള്‍ എന്നിവ വില്ലിന്‍റെ വളഞ്ഞ ഭാഗത്തെയും കാലുകളും നീട്ടിപ്പിടിച്ച കൈകളും വില്ലിന്‍റെ ചരടിനെയും അനുസ്മരിപ്പിക്കുന്നു.
ചെയ്യേണ്ടവിധം
അര്‍ദ്ധധനുരാസസനത്തില്‍ എത്തിയ ശേഷം:
* തല,കഴുത്ത്, താടി, തുടകള്‍, കാല്‍മുട്ടുകള്‍ എന്നിവ പിന്നിലേക്ക് വളയ്ക്കുക.* താടി മുകളിലേക്ക് ഉയര്‍ത്തുക. * ഇതേസമയംതന്നെ വസ്തിപ്രദേശത്തിന്‍റെ അടിവശവും തലയും കഴുത്തും മുകളിലേക്ക് ഉയര്‍ത്തുക. * താടിയും തോളും നെഞ്ചും ഭൂമിയില്‍ നിന്ന് ഉയര്‍ന്നിരിക്കണം.* കാല്‍‌മുട്ടുകളും കാല്പാദങ്ങളും ചേര്‍ത്ത് വയ്ക്കണം.* മുകളിലേക്ക് നോക്കുക.
* തല മുകളിലേക്ക് ഉയര്‍ത്തി പരമാവധി പിന്നിലേക്ക് ചായ്ക്കണം.* കണങ്കാലില്‍ വലിച്ചു പിടിക്കുക.* നേരെമുന്നിലേക്ക് നോക്കുക.* ശരീരഭാരം നാഭിപ്രദേശത്ത് നല്‍കുക.* തുടകളും വസ്തിപ്രദേശവും ഭൂമിയില്‍ സ്പര്‍ശിക്കരുത്.* ആകാവുന്നിടത്തോളം മുന്നിലേക്ക് നോക്കുക.* കൈകള്‍ നിവര്‍ന്നിരിക്കണം* കാലുകള്‍ വഴുതിപ്പോകാതിരിക്കാന്‍ ശ്രദ്ധിക്കുക.* സന്തുലനാവസ്ഥയില്‍ തുടരുക.* കുറഞ്ഞത് അഞ്ച് സെക്കന്‍ഡ് നേരം ഈ അവസ്ഥയില്‍ തുടരണം.ഈ സമയത്ത് പൂര്‍ണമായും നിശ്വാസം കഴിച്ചിരിക്കണം.* പൂര്‍വാവസ്ഥയിലേക്ക് പോവുമ്പോള്‍ പതുക്കെ ശ്വാസം ഉള്ളിലേക്ക് എടുക്കുക.ഗുണങ്ങള്‍ ശരീരത്തിനൊട്ടാകെ ഉന്‍‌മേഷം പ്രദാനം ചെയ്യുന്നു. ശരീരശക്തി വര്‍ദ്ധിപ്പിക്കുന്നതിനൊപ്പം കിഡ്നി, അഡ്രിനാല്‍ എന്നീ ഗ്രന്ഥികളുടെ പ്രവര്‍ത്തനം മെച്ചപ്പെടുത്തുകയും ഒപ്പം സന്താനോത്പാദന ശേഷി കൂട്ടുകയും ചെയ്യുന്നു. ശ്രദ്ധിക്കുകഉയര്ന്ന രക്ത സമ്മര്‍ദ്ദം, ഡിസ്ക് പ്രശ്നങ്ങള്‍, ഹെര്‍ണിയ, അള്‍സര്‍ എന്നിവയുള്ളവര്‍ ഈ ആസനം പരീക്ഷിക്കുന്നത് ആശാസ്യമല്ല. വയര്‍ സംബന്ധമായ ഓപ്പറേഷന് വിധേയമായവര്‍ ഡോക്ടറുടെ അനുമതിയില്ലാതെ പൂര്‍ണധനുരാസനം ചെയ്യരുത്.
