'മേപ്പടിയാന്‍ എനിക്ക് സ്‌പെഷ്യലാണ്', മനസ്സ് തുറന്ന് ഉണ്ണി മുകുന്ദന്‍

മേപ്പടിയാന്‍ റിലീസിനായി കാത്തിരിക്കുകയാണ് ഉണ്ണി മുകുന്ദന്‍. രൂപത്തിലും ഭാവത്തിലും വേറൊരു ഉണ്ണിയെ ആകും പ്രേക്ഷകര്‍ക്ക് കാണാനാകുക. സിനിമയ്ക്ക് വേണ്ടി തന്റെ ശരീരഭാരം വര്‍ദ്ധിപ്പിച്ച നടന് മേപ്പടിയാന്‍ ഇത്തിരി സ്‌പെഷ്യലാണ്. അതിനെക്കുറിച്ച് പറയുകയാണ് ഉണ്ണി മുകുന്ദന്‍.

സംവിധായകന്‍ വിഷ്ണുവില്‍ നിന്ന് വളരെക്കാലം മുമ്പുതന്നെ മേപ്പടിയാന്റെ കഥ കേട്ടു.ഈ പ്രോജക്റ്റ് എന്നെ വ്യക്തിപരമായി വളരെയധികം ആവേശഭരിതനാക്കി, കാരണം എന്റെ കരിയറില്‍ മുമ്പ് ഞാന്‍ ശ്രമിച്ചിട്ടില്ലാത്ത റോളായായിരുന്നുവെന്ന് ഉണ്ണി മുകുന്ദന്‍ പറഞ്ഞു. മേപ്പടിയാന്‍ എനിക്ക് വളരെ സ്‌പെഷ്യല്‍ ആണ്.പ്രൊഫഷണല്‍ ജീവിതത്തിന്റെ കാര്യത്തിലല്ല, മറിച്ച് വ്യക്തിപരമായ കാര്യത്തിലെന്ന് ഉണ്ണി മുകുന്ദന്‍ പറഞ്ഞു.

മെക്കാനിക്കും ഗാരേജ് ഉടമയുമായ ജയകൃഷ്ണനായി ഉണ്ണിമുകുന്ദന്‍ വേഷമിടുന്നു.