'നീയാണെന്‍ ആകാശം'; കാതലിലെ വീഡിയോ സോങ് പുറത്ത്

മമ്മൂട്ടിയെ നായകനാക്കി ജിയോ ബേബി സംവിധാനം ചെയ്ത ഏറ്റവും പുതിയ സിനിമയായ 'കാതല്‍ - ദി കോര്‍' ബോക്സ് ഓഫീസില്‍ കുതിപ്പ് തുടരുകയാണ്. സിനിമയിലെ വീഡിയോ സോങ് പുറത്തുവന്നു.

'നീയാണെന്‍ ആകാശം' എന്ന വീഡിയോ ഗാനമാണ് പുറത്തുവന്നിരിക്കുന്നത്.

 ജ്യോതികയുടെയും മമ്മൂട്ടിയുടെയും കഥാപാത്രങ്ങള്‍ തമ്മിലുള്ള സംഭാഷണത്തോടെയാണ് ഗാനം ആരംഭിക്കുന്നത്, മാത്യുവിന്റെയും ഓമനയുടെയും ബന്ധത്തിന്റെ സങ്കീര്‍ണ്ണതകളിലേക്ക് കാഴ്ചക്കാരെ കൂട്ടിക്കൊണ്ടു പോകുകയാണ് പാട്ട്.ജാക്വിലിന്‍ മാത്യു എഴുതിയ വരികള്‍ക്ക് 

മാത്യൂസ് പുളിക്കന്‍ സംഗീതം നല്‍കിയിരിക്കുന്നു. ആന്‍ ആമി ആണ് ഗാനം ആലപിച്ചത്.

നവംബര്‍ 23നാണ് കാതല്‍ ദ കോര്‍ പ്രദര്‍ശനത്തിന് എത്തിയത്.ജ്യോതിക ആണ് നായിക.ആദര്‍ശ് സുകുമാരന്‍, പോള്‍സണ്‍ സ്‌കറിയ എന്നിവര്‍ ചേര്‍ന്ന് തിരക്കഥയൊരുക്കിയ ചിത്രം സംവിധാനം ചെയ്തിരിക്കുന്നത് ജിയോ ബേബിയാണ്. മമ്മൂട്ടി കമ്പനിയാണ് നിര്‍മ്മാണം.