അഭിനയ ജീവിതത്തിന്റെ മൂന്നാം വാർഷികം ആഘോഷിക്കുകയാണ് കല്യാണി പ്രിയദർശൻ. 2017-ൽ പുറത്തിറങ്ങിയ 'ഹലോ' എന്ന തെലുങ്ക് ചിത്രത്തിലൂടെയായിരുന്നു നടി നായികയായി അരങ്ങേറ്റം കുറിച്ചത്. ഈ സിനിമ റിലീസ് ആയിട്ട് ഇന്നേക്ക് മൂന്ന് വർഷം തികയുകയാണ്. #3YearsOfKalyanism എന്ന ഹാഷ്‌ടാഗ് ഉപയോഗിച്ച് കൊണ്ടാണ് തങ്ങളുടെ പ്രിയ താരത്തിന്റെ സിനിമയിലെ മൂന്നാം വാർഷികം ആരാധകർ ആഘോഷിക്കുന്നത്.
"സത്യസന്ധമായി, ഇത്രയും സ്നേഹം ലഭിക്കാൻ ഞാൻ എന്താണ് ചെയ്തതെന്ന് എനിക്കറിയില്ല. എന്നാൽ ഒരു ദിവസം ഇവർക്ക് അഭിമാനമാകാൻ കഴിയുമെന്ന് ഞാൻ പ്രതീക്ഷിക്കുന്നു. അത് ഒരുപാട് ദൂരം മുന്നിലാണെന്ന് എനിക്ക് തോന്നുന്നു. സാവധാനത്തിലും സ്ഥിരതയിലും തെറ്റൊന്നുമില്ല"- കല്യാണി പറഞ്ഞു.
ഈ വർഷം ആദ്യം കല്യാണി പ്രിയദർശൻ മലയാളത്തിലും അരങ്ങേറ്റം കുറിച്ചു. വരനെ ആവശ്യമുണ്ട് എന്ന ചിത്രത്തിൽ ശ്രദ്ധേയമായ പ്രകടനം നടി കാഴ്ചവെച്ചു.
വിനീത് ശ്രീനിവാസന്റെ 'ഹൃദ്യം' എന്ന ചിത്രത്തിലാണ് കല്യാണി പ്രിയദർശൻ അടുത്തതായി അഭിനയിക്കുന്നത്. പ്രണവ് മോഹൻലാലാണ് നായകൻ. പ്രിയദർശൻ സംവിധാനം ചെയ്യുന്ന മരയ്ക്കാർ അറബിക്കടലിന്റെ സിംഹം എന്ന ചിത്രത്തിലും നടി അഭിനയിക്കുന്നുണ്ട്.
