പിറന്നാള്‍ ദിനത്തില്‍ മനോഹരമായ കുറിപ്പുമായി ഗായിക അഭയ ഹിരണ്‍മയി. പിറന്നാള്‍ ആഘോഷത്തിന്റെ ചിത്രങ്ങള്‍ അഭയ സോഷ്യല്‍ മീഡിയയില്‍ പങ്കുവെച്ചു.
ഈ വര്‍ഷം സംഭവബഹുലമായിരുന്നുവെന്നും എന്നാല്‍ ഇപ്പോള്‍ വലിയ സമാധാനത്തിലാണ് ജീവിക്കുന്നതെന്നും അഭയ കുറിച്ചു. ഇനി ഞാനൊരു മികച്ച സംഗീതജ്ഞയും മനുഷ്യനും അതിലുപരി നല്ല ഹൃദയത്തിനു ഉടമയുമായിരിക്കുമെന്നും അഭയ പറഞ്ഞു.
' എന്തൊരു സംഭവബഹുലമായിരുന്ന വര്‍ഷമായിരുന്നു !! എനിക്ക് ഇതൊരു റോളര്‍ കോസ്റ്റര്‍ റൈഡായിരുന്നു. എന്നാല്‍ ഈ നിമിഷത്തില്‍ ഞാന്‍ സമാധാനത്തിലാണ്. എന്നെ മറ്റൊരു തലത്തിലേക്ക് എത്തിക്കുന്ന പ്രകൃതിയുടെ പാത ഞാന്‍ ഒരുപാട് ഇഷ്ടപ്പെടുന്നു. ലോകത്തില്‍ നിന്ന് എനിക്ക് ഇത്രയും സ്‌നേഹം ലഭിക്കുന്നുവെന്നത് വിശ്വസിക്കാനെ കഴിയുന്നില്ല. ഈ സ്‌നേഹത്തിനു മുന്നില്‍ ഞാന്‍ വിനയാന്വിതയാണ്. ഇനി ഞാനൊരു മികച്ച സംഗീതജ്ഞയും അതിലുപരി നല്ല ഹൃദയത്തിന് ഉടമയും ആയിരിക്കും,' അഭയ കുറിച്ചു.
