നടി കുളപ്പുള്ളി ലീലയുടെ അമ്മ അന്തരിച്ചു

നാടകങ്ങളിലൂടെ സിനിമയിലെത്തിയ അഭിനേത്രിയാണ് ലീല

നടി കുളപ്പുള്ളി ലീല അമ്മയ്‌ക്കൊപ്പം

നടി കുളപ്പുള്ളി ലീലയുടെ അമ്മ രുഗ്മിണി അന്തരിച്ചു. 97 വയസ്സായിരുന്നു. ഇന്ന് വൈകിട്ട് നാലിന് നാര്‍ത്ത് പറവൂര്‍ ചെറിയപ്പിള്ളിയിലെ വീട്ടിലേക്ക് ഭൗതിക ശരീരം കൊണ്ടുവരും. നാളെ (ജൂലൈ 17) പന്ത്രണ്ട് മണിക്ക് സംസ്‌കാര ചടങ്ങുകള്‍ നടക്കും. അമ്മയുമായി വളരെ അടുത്ത ബന്ധമാണ് തനിക്കുള്ളതെന്നും അമ്മയാണ് തന്റെ ജീവിതത്തില്‍ എല്ലാമെന്നും ലീല പല അഭിമുഖങ്ങളിലും തുറന്നുപറഞ്ഞിട്ടുണ്ട്. 

നാടകങ്ങളിലൂടെ സിനിമയിലെത്തിയ അഭിനേത്രിയാണ് ലീല. കസ്തൂരിമാന്‍, പുലിവാല്‍ കല്യാണം, ചതിക്കാത്ത ചന്തു, ട്വന്റി 20 തുടങ്ങി ഒട്ടേറെ മികച്ച സിനിമകളുടെ ഭാഗമായിട്ടുണ്ട്.