സിനിമാ താരത്തിനു പാര്‍സല്‍ ആയി അണ്ടര്‍വെയറും സെക്‌സ് ടോയ്‌സും; ഗതികെട്ട് പൊലീസില്‍ പരാതി നല്‍കി നടി

മുംബൈയില്‍ താമസിക്കുന്ന ഒരു സിനിമാ നടിക്ക് സ്ഥിരമായി അണ്ടര്‍വെയറും സെക്‌സ് ടോയ്‌സും പാര്‍സല്‍ അയക്കുന്ന ആളെ തേടി പൊലീസ്. അംബോലി പൊലീസാണ് അസാധരണമായ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിരിക്കുന്നത്. നടി തന്നെയാണ് പൊലീസില്‍ പരാതിപ്പെട്ടത്. 

ജോഗേശ്വരിയില്‍ താമസിക്കുന്ന 28 കാരിയായ നടിക്കാണ് അണ്ടര്‍വെയറും സെക്‌സ് ടോയ്‌സും പാര്‍സല്‍ ആയി ലഭിക്കുന്നത്. രണ്ട് മാസങ്ങള്‍ക്ക് മുന്‍പാണ് ആദ്യമായി പാര്‍സല്‍ ലഭിച്ചത്. ആരെങ്കിലും പ്രാങ്ക് ചെയ്യുന്നതാകുമെന്ന് കരുതി നടി ആദ്യമൊന്നും ഇത് ഗൗനിച്ചില്ല. പിന്നീട് തുടര്‍ച്ചയായി ഇങ്ങനെ പാര്‍സല്‍ ലഭിക്കാന്‍ തുടങ്ങി. സ്ത്രീയെ അപമാനിക്കാന്‍ ശ്രമിച്ചതിന്റെ പേരില്‍ ഐപിസി 509-ാം വകുപ്പ് പ്രകാരമാണ് പൊലീസ് കേസെടുത്തിരിക്കുന്നത്. എഫ്‌ഐആര്‍ രജിസ്റ്റര്‍ ചെയ്തതിനു ശേഷം നടിക്ക് ഇത്തരത്തിലുള്ള പാര്‍സല്‍ ലഭിച്ചിട്ടില്ലെന്നാണ് പൊലീസ് പറയുന്നത്. വ്യത്യസ്ത നമ്പറുകളില്‍ നിന്നാണ് പാര്‍സല്‍ അയക്കാനുള്ള സാധനങ്ങള്‍ ഓര്‍ഡര്‍ ചെയ്തിരിക്കുന്നത്. ഈ നമ്പറുകള്‍ ട്രേസ് ചെയ്താണ് പൊലീസ് അന്വേഷണം നടത്തുന്നത്.