അന്ന് മാളിലേക്ക് അതിഥിയായെത്തുന്നത് വിലക്കി, ഇന്ന് ആയിരങ്ങളുടെ മുൻപിൽ അമ്പലത്തിലെത്തി ഷക്കീല

വെണ്ണല തൈക്കാട് ശ്രീ മഹാദേവ ക്ഷേത്രത്തിലെ ഉത്സവത്തോടനുബന്ധിച്ച് നടന്ന പരിപാടിയിൽ മുഖ്യാതിഥിയായെത്തി ഷക്കീല. നേരത്തെ കോഴിക്കോട് ഹൈലൈറ്റ് മാളിൽ ഒരു സിനിമയുടെ പ്രമോഷൻ ചടങ്ങുകൾക്ക് തുടക്കം കുറിക്കാൻ ട്രെയ്‌ലർ ലോഞ്ചിന് അതിഥിയായെത്തേണ്ട താരത്തെ മാൾ അധികൃതർ മാളിലെത്തുന്നതിൽ നിന്നും വിലക്കിയിരുന്നു. കേരളത്തിലേക്ക് വീണ്ടും വരാൻ സാധിച്ചതിൽ അതിയായ സന്തോഷമുള്ളതായി ഷക്കീല പറഞ്ഞു. ആയിരങ്ങളാണ് നടിയെ കാണാൻ ക്ഷേത്രത്തിലെത്തിയത്.

ഇവിടെ വരാനായത് ഒരു നിയോഗമാണ്. അന്ന് കോഴിക്കോട് മാളിലേക്ക് വരുന്നത് പ്രശ്ന്‌മായിരുന്നു. ആ മാളിൽ അന്ന് ഇരുന്നൂരോ മുന്നൂറോ ആളുകൾ വരുമായിരിക്കും. പക്ഷേ ഇന്ന് ഞാൻ ആയിരങ്ങൾക്ക് മുന്നിലാണ് നിൽക്കുന്നത്. ഇത് ഭഗവാൻ ശിവൻ എനിക്ക് വേണ്ടി കരുതി വെച്ചതായിരിക്കും. അന്നെനിക്ക് ആ അവസരം കിട്ടാതെ പോയത് നന്നായി കാരണം ഇന്ന് എല്ലാവരെയും കാണാൻ എനിക്ക് അവസരം ലഭിച്ചു. ദൈവത്തിന് കൃത്യമായ പദ്ധതികളുണ്ട്. ഷക്കീല പറഞ്ഞു.