നൊസ്റ്റാള്‍ജിയ, 11 വര്‍ഷങ്ങള്‍ മുമ്പത്തെ നിവിന്‍ പോളി, മലര്‍വാടി ആര്‍ട്‌സ് ക്ലബ് ഓര്‍മ്മകള്‍ പങ്കുവച്ച് അജു വര്‍ഗീസ്

11 വര്‍ഷങ്ങള്‍ക്കു മുന്‍പ് മലര്‍വാടി ആര്‍ട്‌സ് ക്ലബ് എന്ന ചിത്രത്തിലൂടെ മലയാള സിനിമയില്‍ ചുവടുറപ്പിച്ച താരങ്ങളാണ് വിനീത് ശ്രീനിവാസനും നിവിന്‍ പോളിയും. വിനീത് ശ്രീനിവാസനുമായുള്ള കൂട്ടുകെട്ടിന്റെ തുടക്കവും അവിടുന്ന് നിന്നെ തന്നെയാണ് തുടങ്ങിയത്. ആ ഓര്‍മ്മകളിലേക്ക് തിരിഞ്ഞു നടക്കുകയാണ് അജു വര്‍ഗീസ്.

വര്‍ഷങ്ങള്‍ക്കു മുമ്പ് മലര്‍വാടി ആര്‍ട്‌സ് ക്ലബില്‍ ലൊക്കേഷനില്‍ ഒരു മാധ്യമ പ്രവര്‍ത്തകനോട് തങ്ങളെ തന്നെ പ്രേക്ഷകര്‍ക്കായി പരിചയപ്പെടുത്തുന്ന നിവിന്‍ പോളിയും അജു വര്‍ഗീസിനെയും വീഡിയോയില്‍ കാണാം. ആദ്യമായി ഒരു സിനിമ ലൊക്കേഷനില്‍ വിഷു ആഘോഷിച്ചതും വിനീത് ശ്രീനിവാസനില്‍ നിന്ന് കൈനീട്ടം വാങ്ങിയ കാര്യങ്ങളെല്ലാം അവര്‍ മനസ്സ് തുറന്നു പറയുന്നുണ്ട്. മലര്‍വാടി എന്ന സിനിമ എന്താണെന്നും തങ്ങളുടെ കഥാപാത്രം എങ്ങനെ ഉള്ളതാണെന്നും അജുവര്‍ഗീസ് വിശദമായി പറയുന്നുണ്ട്.പ്രകാശന്‍, പുരുഷു, പ്രവീണ്‍, സന്തോഷ്, കുട്ടു എന്നീ അഞ്ച് സുഹൃത്തുക്കളുടെ കഥയാണ് മലര്‍വാടി ആര്‍ട്‌സ് ക്ലബ് പറഞ്ഞത്.