കഴിഞ്ഞ ദിവസമായിരുന്നു അഞ്ജു കുര്യന് ജന്മദിനം ആഘോഷമാക്കിയത്. തനിക്ക് ആശംസകള്‍ അറിയിച്ച എല്ലാവര്‍ക്കും നന്ദി പറഞ്ഞുകൊണ്ട് നടി രംഗത്തെത്തിയിരുന്നു.മാലിദ്വീപില്‍ നിന്നുള്ള താരത്തിന്റെ പുതിയ ഫോട്ടോഷൂട്ട് ചിത്രങ്ങളാണ് സോഷ്യല്‍ മീഡിയയില്‍ ശ്രദ്ധനേടുന്നത്. 'ഓം ശാന്തി ഓശാന'യില്‍ തുടങ്ങി ഉണ്ണിമുകുന്ദന്റെ മേപ്പടിയാന്‍ വരെ എത്തിനില്‍ക്കുകയാണ് നടിയുടെ അഭിനയ ജീവിതം.
മോഡലിങ് രംഗത്തും സജീവമായ അഞ്ജുവിന്റെ പുതിയ ചിത്രങ്ങള്‍ പകര്‍ത്തിയത് സെലിബ്രിറ്റി ഫോട്ടോഗ്രാഫര്‍ വെങ്കട് ബാലയാണ്.
കോട്ടയം സ്വദേശിയാണ് അഞ്ജു. ചെന്നൈയില്‍ ആര്‍ക്കിടെക്റ്റായി ചെയ്യുന്നതിനിടെയാണ് നടി അഭിനയത്തിലേക്ക് ചുവട് മാറ്റിയത്.
ഫഹദ് ഫാസിലിനൊപ്പം ഞാന്‍ പ്രകാശനിലും ദിലീപിന്റെയും നായികയായി ജാക്ക് ഡാനിയേലിലും അഞ്ജു അഭിനയിച്ചിട്ടുണ്ട്.മേപ്പടിയാന്‍ എന്ന സിനിമയാണ് നടിയുടെതായി ഇനി പുറത്തു വരാനുള്ളത്.
