'നയൻതാര അയാളുമായി പ്രണയത്തിലാണ്': ഇത് എങ്ങനെ നടക്കാനാണ്? - ആ സംഭവത്തെ കുറിച്ച് അന്തനൻ

നയൻതാരയുടെയും വിഘ്നേഷ് ശിവന്റെയും പ്രണയവും വിവാഹവുമെല്ലാം സൗത്ത് ഇന്ത്യയിലെ എല്ലാവർക്കും അറിയാവുന്നതാണ്. നാനും റൗഡി താൻ എന്ന സിനിമയിലെ സെറ്റിൽ വെച്ചാണ് ഇരുവരും പ്രണയത്തിലാകുന്നത്. ഇപ്പോഴിതാ, ഇവർ തമ്മിൽ പ്രണയിച്ച സമയത്തുണ്ടായ ഗോസിപ്പുകളെ കുറിച്ചും അവരുടെ പ്രണയത്തെ കുറിച്ചും പറയുകയാണ് തമിഴ് ഫിലിം ജേർണലിസ്റ്റ് അന്തനൻ.

'ഒരു ദിവസം എന്നെ അസോസിയേറ്റ് ഡയരക്ടർ വിളിച്ചു. അറിഞ്ഞോ എന്ന് ചോദിച്ചു. എന്താണെന്ന് ചോദിച്ചപ്പോൾ നയൻതാര ഒരു പുതുമുഖ സംവിധായകനെ പ്രണയിക്കുന്നുണ്ടെന്ന് അസോസിയേറ്റ് ഡയരക്ടർ പറഞ്ഞു. ഞാൻ വല്ലാതെ ചിരിച്ചു. കള്ളം പറയുന്നതിനും പരിധി വേണ്ടേ, അവർ എത്ര വലിയ സ്റ്റാറ്റസിലിരിക്കുന്ന ആളാണ് നയൻതാര. പുതിയ സംവിധായകരുടെ ജീവിതമെങ്ങനെയാണന്നറിയാം. ഇത് എങ്ങനെ നടക്കാനാണെന്ന് ഞാൻ അസോസിയേറ്റ് ഡയരക്ടറോട് ചോദിച്ചു. 

ഞാൻ പറഞ്ഞത് സംഭവിക്കുമെന്ന് അയാൾ മറുപടി നൽകി ഫോൺ വെച്ചു. ആ സമയത്താണ് നാനും റൗഡി താൻ എന്ന സിനിമ നടക്കുന്നത്. പിന്നീട് ഇവർ പ്രണയത്തിലാണെന്ന് റിപ്പോർട്ടുകൾ വന്നു. രണ്ട് പേർ പ്രണയിക്കുമ്പോൾ അത് മറ്റാർക്കും അറിയില്ലെന്ന് അവർ കരുതും. എന്നാൽ ലോകം അവരെയായിരിക്കും നോക്കുന്നത്. അതിന് ശേഷം എന്താണ് നടന്നതെന്ന് താൻ പറയേണ്ടതില്ലെ'ന്നും അന്തനൻ വ്യക്തമാക്കി.

അതേസമയം, 2022 ലായിരുന്നു നയൻതാര-വിഘ്നേശ് ശിവൻ വിവാഹം. മഹാബലിപുരത്ത് വെച്ചാണ് വിവാഹം നടന്നത്. നാല് വർഷത്തോളം നീണ്ട പ്രണയത്തിനൊടുവിലായിരുന്നു ഇവരുടെ വിവാഹം. കഴിഞ്ഞ ദിവസം മൂന്നാം വിവാഹ വാർഷികം താര ദമ്പതികൾ ആഘോഷിച്ചു. പ്രണയത്തിലാണെന്ന കാര്യം പുറത്താരും അറിയാതിരിക്കാൻ തുടക്കത്തിൽ നയൻതാരയും വിഘ്നേശ് ശിവനും ശ്രമിച്ചിരുന്നു. എന്നാൽ, സെറ്റിലുണ്ടായിരുന്നവർക്കെല്ലാം ഇവരുടെ പ്രണയം അറിയാമായിരുന്നു എന്നതാണ് സത്യം.