'ഭ്രമയുഗം'ഒഴിവാക്കിയതല്ല,മമ്മൂക്ക വേറൊരു സിനിമയ്ക്കുവേണ്ടി താടി വളര്‍ത്തുന്നുണ്ട്,ഈ സിനിമ ചെയ്യാന്‍ പറ്റാത്തതില്‍ വിഷമമുണ്ടെന്ന് ആസിഫ് അലി

മമ്മൂട്ടിയുടെ 'ഭ്രമയുഗം'തിന് ഒരൊറ്റ പോസ്റ്റര്‍ കൊണ്ട് തന്നെ വലിയ ഹൈപ്പാണ് ലഭിച്ചത്. ഇതിനിടെ ആസിഫ് അലിക്ക് സിനിമയിലേക്ക് അവസരം ലഭിച്ചുവെന്നും എന്നാല്‍ നടന്‍ സിനിമ ഒഴിവാക്കി എന്ന തരത്തിലുള്ള പ്രചാരണം നടന്നിരുന്നു. ഇതിനെല്ലാം മറുപടി നല്‍കിയിരിക്കുകയാണ് നടന്‍.

'ഭ്രമയുഗം'താന്‍ ഒഴിവാക്കിയത് അല്ലെന്നും മറ്റ് കമ്മിറ്റ്‌മെന്റുകള്‍ ഉള്ളതിനാല്‍ ചെയ്യാന്‍ സാധിക്കാതെ പോയതാണെന്നും ആസിഫ് അലി പറഞ്ഞു. പ്രതീക്ഷിച്ചതിലും വേഗത്തില്‍ സിനിമയുടെ ചിത്രീകരണം ആരംഭിച്ചതും ആസിഫിന് സിനിമയുടെ ഭാഗമാകാന്‍ പറ്റാതെ പോയി. 

ഭ്രമയുഗത്തില്‍ അര്‍ജുന്‍ അശോകന്‍ ചെയ്യുന്ന കഥാപാത്രം ചെയ്യേണ്ടിയിരുന്നത് ആസിഫ് അലി ആയിരുന്നു. ചിത്രീകരണം നേരത്തെ ആരംഭിക്കാനുള്ള കാരണത്തെക്കുറിച്ച് ആസിഫ് പറയുന്നുണ്ട്. മമ്മൂക്ക വേറൊരു സിനിമയ്ക്കുവേണ്ടി താടി വളര്‍ത്തുന്നുണ്ട്. അതിന്റെ തുടര്‍ച്ചയായി ഈ സിനിമ ചെയ്യാമെന്ന് പെട്ടെന്ന് തീരുമാനിച്ചതാണ്.വേറൊരു കമ്മിറ്റ്‌മെന്റ് ഉള്ളതുകൊണ്ട് എനിക്ക് ഈ സിനിമ ചെയ്യാന്‍ പറ്റിയില്ല. എനിക്ക് ഒരുപാട് വിഷമമുണ്ടെന്നും ആസിഫ് പറഞ്ഞു.