ആസിഫ് അലിയുടെ സര്‍പ്രൈസ് ഹിറ്റ് ചിത്രം തലവന് രണ്ടാം ഭാഗം വരുന്നു

മെയ് 24ന് റിലീസ് ചെയ്ത സിനിമ പ്രമേയം കൊണ്ടും അഭിനേതാക്കളുടെ മികച്ച പ്രകടനങ്ങള്‍ കൊണ്ടും ഏറെ ശ്രദ്ധ നേടിയിരുന്നു

സമീപകാലത്ത് ഇറങ്ങിയ സിനിമകളില്‍ ഏറെ ശ്രദ്ധ നേടിയ ആസിഫ് അലി- ജിസ് ജോയ് സിനിമയായ തലവന് രണ്ടാം ഭാഗം ഒരുങ്ങുന്നു. തലവന്‍ സിനിമയുടെ വിജയാഘോഷ പരിപാടിക്കിടെയാണ് സിനിമയുടെ അണിയറപ്രവര്‍ത്തകര്‍ രണ്ടാം ഭാഗം അനൗണ്‍സ് ചെയ്തത്. ജിസ് ജോയ് സംവിധാനം ചെയ്ത സിനിമയില്‍ ആസിഫ് അലി, ബിജു മേനോന്‍ എന്നിവരായിരുന്നു പ്രധാനകഥാപാത്രങ്ങളെ അവതരിപ്പിച്ചത്.

മെയ് 24ന് റിലീസ് ചെയ്ത സിനിമ പ്രമേയം കൊണ്ടും അഭിനേതാക്കളുടെ മികച്ച പ്രകടനങ്ങള്‍ കൊണ്ടും ഏറെ ശ്രദ്ധ നേടിയിരുന്നു. നിരൂപക പ്രശംസയ്‌ക്കൊപ്പം തിയേറ്ററിലും മികച്ച വിജയം തന്നെ സ്വന്തമാക്കാന്‍ സിനിമയ്ക്കായി. ബിജു മേനോന്‍,ആസിഫ് അലി എന്നിവര്‍ക്ക് പുറമെ അനുശ്രീ,മിയ,ദിലീഷ് പോത്തന്‍,കോട്ടയം നസീര്‍,ശങ്കര്‍ രാമകൃഷ്ണന്‍ തുടങ്ങിയവരും സിനിമയില്‍ പ്രധാന കഥാപാത്രങ്ങളെ അവതരിപ്പിച്ചിരുന്നു.