ഫാദേഴ്‌സ് ഡേയില്‍ വൈകാരിക കുറിപ്പുമായി നടി ബീന ആന്റണി. അപ്പച്ചനൊപ്പമുള്ള ചിത്രം പങ്കുവെച്ചാണ് നടിയുടെ കുറിപ്പ്. തന്റെ വിവാഹ ആല്‍ബത്തില്‍ ചിത്രമാണ് താരം പങ്കുവെച്ചിരിക്കുന്നത്.
ഇപ്പോഴും തന്റെ ഹീറോ അപ്പച്ചനാണെന്ന് ബീന പറഞ്ഞു. ഉള്ളില്‍ നിറയെ സ്‌നേഹവും പുറമെ കാര്‍ക്കശ്യവുമാണ് അപ്പച്ചന്റെ സ്വഭാവമെന്നും ബീന കുറിച്ചു.
' ഹാപ്പി ഫാദേഴ്‌സ് ഡേ...ഓര്‍മകളിലെ എന്റെ അപ്പച്ചനുമൊത്തു കിട്ടിയ അസുലഭ നിമിഷം..ഇപ്പോഴും എന്റെ ഹീറോ അപ്പച്ചനാണ്...ഉള്ളില്‍ നിറയെ സ്‌നേഹവും പുറമേ കാര്‍ക്കശ്യവുമായിരുന്ന ഞങ്ങളുടെ പ്രിയപ്പെട്ട അപ്പച്ചന്‍...മിസ് യൂ അപ്പച്ചാ...' ബീന ആന്റണി കുറിച്ചു.
