'ബിരിയാണി' വ്യാജ പതിപ്പുകളോട് സാമൂഹ്യ അകലം പാലിക്കൂ:കേവ് ടീം

നടി കനികുസൃതിക്ക് മികച്ച നടിക്കുള്ള സംസ്ഥാന പുരസ്‌കാരം നേടിക്കൊടുത്ത ചിത്രമാണ് ബിരിയാണി. അടുത്തിടെയാണ് കേവ് എന്ന പേരിലുള്ള ഒ.ടി.ടി പ്ലാറ്റ്‌ഫോമിലൂടെ സിനിമ പ്രേക്ഷകരിലേക്ക് എത്തിയത്. തീയറ്ററുകളില്‍ റിലീസ് ചെയ്തതിനേക്കാള്‍ നല്ല പ്രതികരണം ഒ.ടി.ടി റിലീസിലൂടെ ചിത്രത്തിന് ലഭിച്ചു. അതുപോലെതന്നെ ഈ സിനിമ നേരിടുന്ന പുതിയ വെല്ലുവിളിയാണ് വ്യാജ പതിപ്പുകള്‍. ഒറിജിനല്‍ മാത്രം കാണാന്‍ ശ്രമിക്കുഎന്ന അഭ്യര്‍ത്ഥനയുമായി എത്തിയിരിക്കുകയാണ് കേവ് ടീം.

'വ്യാജ പതിപ്പുകളോട് സാമൂഹ്യ അകലം പാലിക്കൂ. ബിരിയാണി ആസ്വദിക്കു കേവിലൂടെ മാത്രം.ഒറിജിനല്‍ മാത്രം കാണാന്‍ ശ്രമിക്കു'-കേവ് ടീം കുറിച്ചു.

സിനിമ ഒരു തവണ കാണുവാനായി 99 രൂപയാണ് കാണിയില്‍ നിന്ന് ഈടാക്കുന്നത്.മുസ്ലിം സ്ത്രീകള്‍ നേരിടുന്ന പ്രശ്‌നങ്ങളെ കുറിച്ചാണ് സിനിമ പറയുന്നത്. ലോകമെമ്പാടുമുള്ള പ്രേക്ഷകരിലേക്ക് എത്തിക്കാനാണ് ഒ.ടി.ടി റിലീസ് ചെയ്യുന്നതെന്ന് സംവിധായകന്‍ സജിന്‍ ബാബു പറഞ്ഞിരുന്നു.