'കൈയില്‍ ഒരു സമ്മാനമുണ്ട്'; പിറന്നാള്‍ ദിനത്തില്‍ കല്ലുവിനോട് അഭിലാഷ് പിള്ള

ദേവനന്ദ മലയാളികള്‍ക്ക് കല്ലുവാണ്. മാളികപ്പുറത്തിലെ കുട്ടിത്താരത്തിന് ഇന്ന് പിറന്നാള്‍. പത്തുവര്‍ഷങ്ങള്‍ക്ക് മുമ്പുള്ള ഇതേ ദിവസമാണ് തങ്ങളുടെ സന്തോഷമായ ദേവനന്ദ ഈ ലോകത്തേക്ക് എത്തിയതെന്ന് കുടുംബം പറയുന്നു. മാളികപ്പുറം തിരക്കഥാകൃത്ത് അഭിലാഷ് പിള്ളയും ദേവുവിന് ജന്മദിനാശംസകള്‍ നേര്‍ന്നു.

'നീ എന്നും എനിക്ക് ഒരത്ഭുതമാണ്... പറഞ്ഞറിയിക്കാന്‍ കഴിയാത്ത ഒരു അത്ഭുതം. ഇനിയും ദേവുവിന്റെ അഭിനയം ക്യാമറക്ക് പിന്നില്‍ നിന്ന് കാണാനൊരു ആഗ്രഹം... ഈ പിറന്നാള്‍ ദിവസം നിനക്ക് തരാന്‍ എന്റെ കൈയില്‍ ഒരു സമ്മാനമുണ്ട് നിനക്ക് ഏറ്റവും ഇഷ്ടമുള്ള ഒരു കഥാപാത്രം അത് ഞാന്‍ തരുന്നു... എന്റെ കല്ലുവിന് ഒരായിരം പിറന്നാള്‍ ആശംസകള്‍',-അഭിലാഷ് പിള്ള കുറിച്ചു.

2018 എന്ന സിനിമയിലാണ് ദേവനന്ദയെ ഒടുവില്‍ കണ്ടത്.മൂന്നര വയസ്സുള്ളപ്പോള്‍ തൊട്ടപ്പന്‍ എന്ന സിനിമയിലൂടെയാണ് അരങ്ങേറ്റം.മിന്നല്‍ മുരളി, മൈ സാന്റാ, സൈമണ്‍ ഡാനിയേല്‍, തൊട്ടപ്പന്‍, ഹെവന്‍, ടീച്ചര്‍ തുടങ്ങിയ ചിത്രങ്ങളില്‍ ചെറിയ വേഷങ്ങള്‍ ചെയ്തു.