വിറ്റ്‌നസ് എന്ന സിനിമയിലൂടെ മലയാള സിനിമയിലെത്തിയ താരമാണ് കോഴിക്കോട്ടുകാരിയായ ചൈത്ര പ്രവീണ്‍. അഭിനയത്തിന് പുറമെ യോഗ ട്രെയിനര്‍,മോഡല്‍ എന്നീ നിലയിലും ചൈത്ര കഴിവ് തെളിയിച്ചിട്ടുണ്ട്. അടുത്തിടെ റിലീസായ എല്‍ എല്‍ ബി എന്ന സിനിമയുടെ പ്രമോഷണല്‍ പരിപാടിക്കെത്തിയ ചൈത്രയുടെ വസ്ത്രധാരണം എല്ലാവരുടെയും ശ്രദ്ധ പിടിച്ച് പറ്റിയിരുന്നു. വസ്ത്രധാരണത്തിനെതിരെ വലിയ സൈബര്‍ ആക്രമണവും താരത്തിന് നേരിടേണ്ടി വന്നിരുന്നു.
ഇപ്പോഴിതാ ഈ വിമര്‍ശനങ്ങള്‍ക്ക് മറുപടി നല്‍കിയിരിക്കുകയാണ് ചൈത്ര. ഏറെ ചര്‍ച്ചയാക്കപ്പെട്ട ആ സാരിയും ബ്ലൗസും തന്റെ അമ്മയുടേതായിരുന്നുവെന്ന് താരം പറയുന്നു. കമന്റുകള്‍ എന്നെ ഏറെ വേദനിപ്പിച്ചു. ആ സാരി ധരിച്ചതിന് ശേഷം ഞാന്‍ അമ്മയെ വിളിച്ചിരുന്നു. കറുപ്പില്‍ നീ സുന്ദരിയാണെന്ന് അമ്മ പറഞ്ഞ ആത്മവിശ്വാസത്തിലാണ് ഞാന്‍ പരിപാടിക്ക് പോയത്. എന്നാല്‍ നമ്മള്‍ ആഗ്രഹിച്ച രീതിയിലല്ല ആളുകള്‍ കാണുന്നത്. ആദ്യ വീഡിയോ വന്നപ്പോള്‍ എന്റെ ചിരി കൊള്ളാമോ സുന്ദരിയാണൊ എന്നെല്ലാമാണ് ഞാന്‍ നോക്കിയത്. ഡ്രസിങ്ങില്‍ കുഴപ്പമുള്ളതായി തോന്നിയില്ല.
