ക്രിസ്റ്റഫറിന്റെ ഒ.ടി.ടി. റിലീസ് പ്രഖ്യാപിച്ചു
ഉദയകൃഷ്ണയുടെ തിരക്കഥയില് ബി.ഉണ്ണികൃഷ്ണന് സംവിധാനം ചെയ്ത ക്രിസ്റ്റഫര് തിയറ്ററുകളില് പരാജയമായിരുന്നു
Publish Date: Mon, 06 Mar 2023 (16:12 IST)
Updated Date: Mon, 06 Mar 2023 (16:14 IST)
മമ്മൂട്ടി ചിത്രം ക്രിസ്റ്റഫര് ഒ.ടി.ടി.യിലേക്ക്. മാര്ച്ച് ഒന്പതിന് ചിത്രം ഒ.ടി.ടി. പ്ലാറ്റ്ഫോമില് റിലീസ് ചെയ്യും. ആമസോണ് പ്രൈമിലാണ് ചിത്രം റിലീസ് ചെയ്യുക.
ഉദയകൃഷ്ണയുടെ തിരക്കഥയില് ബി.ഉണ്ണികൃഷ്ണന് സംവിധാനം ചെയ്ത ക്രിസ്റ്റഫര് തിയറ്ററുകളില് പരാജയമായിരുന്നു. മുടക്കുമുതല് തിരിച്ചുപിടിക്കാന് പോലും ചിത്രത്തിനു സാധിച്ചിരുന്നില്ല.
മമ്മൂട്ടി പൊലീസ് ഉദ്യോഗസ്ഥന്റെ വേഷത്തിലാണ് ക്രിസ്റ്റഫറില് അഭിനയിച്ചിരിക്കുന്നത്. സമകാലിക വിഷയങ്ങള് പ്രതിപാദിക്കുന്ന ചിത്രത്തിന് സോഷ്യല് മീഡിയയില് ഏറെ വിമര്ശനങ്ങളും കേട്ടിരുന്നു. വിനയ് റായ്, ഐശ്വര്യ ലക്ഷ്മി, സ്നേഹ, അമല പോള്, ദിലീഷ് പോത്തന് തുടങ്ങി വന് താരനിരയാണ് ചിത്രത്തില് അണിനിരന്നിരിക്കുന്നത്.
