Deepika Padukone- Prabhas
തെലുങ്ക് സിനിമാതാരമാണെങ്കിലും ഇന്ത്യന്‍ സിനിമയിലെ ഏറ്റവും താരമൂല്യമുള്ള താരമാണ് പ്രഭാസ്. കല്‍കി എന്ന സൂപ്പര്‍ ഹിറ്റ് സിനിമയ്ക്ക് ശേഷം സംവിധായകനായ സന്ദീപ് റെഡ്ഡി വംഗയുടെ സിനിമയിലാണ് പ്രഭാസ് ഇനി അഭിനയിക്കുന്നത്. അനിമല്‍ എന്ന ഹിറ്റ് സിനിമയ്ക്ക് ശേഷം സന്ദീപ് റെഡ്ഡി ഒരുക്കുന്ന സിനിമയ്ക്ക് മുകളില്‍ വലിയ പ്രതീക്ഷയാണുള്ളത്. സിനിമയില്‍ പ്രഭാസിന്റെ നായികയായി ദീപിക പദുക്കോണാകും എത്തുക എന്നായിരുന്നു ഇതുവരെയുള്ള റിപ്പോര്‍ട്ടുകള്‍.
ഇപ്പോഴിതാ സിനിമയില്‍ നിന്നും ദീപിക പുറത്താക്കപ്പെട്ടുവെന്ന വാര്‍ത്തകളാണ് വരുന്നത്. സിനിമയ്ക്കായി ദീപിക മുന്നോട്ട് വെച്ച ഡിമാന്‍ഡുകള്‍ സംവിധായകനെ ചൊടുപ്പിച്ചതായും ദീപികയ്ക്ക് പകരം താരത്തെ അണിയറപ്രവര്‍ത്തകര്‍ നോക്കുകയാണെന്നും തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നു. 8 മണിക്കൂര്‍ ജോലി എന്ന ആവശ്യം ദീപിക മുന്നോട്ട് വെച്ചതായാണ് വിവരം. കൂടാതെ 20 കോടി പ്രതിഫലത്തിനൊപ്പം സിനിമയുടെ ലാഭവിഹിതവും താരം ചോദിച്ചെന്ന് റിപ്പോര്‍ട്ടുകള്‍ പറയുന്നു.
