Vijay Trisha: 'തൃഷയുടെ കാല് തടവുന്ന വിജയ്': പരിഹാസ ട്രോളിന് ലൈക്ക് അടിച്ച് തൃഷയുടെ അമ്മ?

തൃഷയുടെ പിറന്നാൾ പോസ്റ്റ് വീണ്ടും തൃഷ-വിജയ് ബന്ധം ഉറപ്പിക്കുന്ന തരത്തിലുള്ളതായിരുന്നു.

തൃഷ-വിജയ് ബന്ധമാണ് തമിഴകത്തെ പ്രധാന ചർച്ചാ വിഷയം. വിജയുടെ 51ാം പിറന്നാളിന് തൃഷ പങ്കുവെച്ച ആശംസാ പോസ്റ്റ് പല ഗോസിപ്പുകൾക്കും കാരണമായി. രാഷ്ട്രീയത്തിലേക്കിറങ്ങിയ ഈ സമയത്ത് നടിമാരുടെ പേര് ചേർത്ത് ഗോസിപ്പുകൾ വരുന്നത് വിജയ്ക്ക് ഒരിക്കലും ഗുണകരമാകില്ല. തൃഷയുടെ പിറന്നാൾ പോസ്റ്റ് വീണ്ടും തൃഷ-വിജയ് ബന്ധം ഉറപ്പിക്കുന്ന തരത്തിലുള്ളതായിരുന്നു. ഇതോടെ ട്രോളുകളും പ്രചരിച്ചു. 

ഇതിനിടെ തൃഷയുടെ അമ്മ ഉമ്മ കൃഷ്ണനും ചർച്ചാ വിഷയമാകുന്നു, വിജയ്-തൃഷ ബന്ധത്തെ പരിഹസിച്ച് കൊണ്ടുള്ള ഒരു ട്രോളിന് ഉമ കൃഷ്ണൻ ലെെക് ചെയ്തെന്നാണ് റെഡിറ്റിലെ കണ്ടെത്തൽ. ഇതിന്റെ സ്ക്രീൻ ഷോട്ട് പ്രചരിക്കുന്നുണ്ട്. വിജയുടെ പാർട്ടി ഓഫീസിൽ തൃഷ കാൽ നീട്ടി ഇരിക്കുന്നതും വിജയ് കാൽ തടവുന്നതും എഐയിൽ നിർമ്മിച്ച ഫോട്ടോയിൽ കാണാം. ഈ പോസ്റ്റ് തൃഷയുടെ അമ്മ ലൈക്ക് ചെയ്‌തെന്നാണ് വാദം. സംഭവം വൈറലായതോടെ, ഇവർ തന്റെ ലൈക്ക് പിൻവലിച്ചെന്നും റിപ്പോർട്ടുണ്ട്. 

തൃഷയുടെ അമ്മ ഉമ കൃഷ്ണന്റെ ഈ പ്രവൃത്തിയിൽ അമ്പരന്നിരിക്കുകയാണ് വിജയ്-തൃഷ ആരാധകർ. പലർക്കും ഇത് അത്ഭുതമായി. തൃഷയും അമ്മയും എന്താണ് ഉദ്ദേശിക്കുന്നതെന്നാണ് ചിലരുടെ ചോദ്യം. പിറന്നാൾ ആശംസയുണ്ടാക്കിയ ​ഗോസിപ്പുകൾ തുടരുകയാണ്. അതിനിടെയാണ് പുതിയ പുലിവാല്. അമ്മയും മകളും വിജയുടെ സ്വപ്നങ്ങൾ തകർക്കാൻ കാരണമാകുമെന്നാണ് റെഡിറ്റിലെ വാദം. 

വിജയ്ക്കൊപ്പം ഭാര്യ സം​ഗീതയെ ഇന്ന് കാണാറേയില്ല. സം​ഗീതയിന്ന് ലണ്ടനിൽ സ്വന്തം കുടുംബത്തിനൊപ്പമാണുള്ളതെന്ന് റിപ്പോർട്ടുകളുണ്ട്. മകൻ ജേസൺ സഞ്ജയും വിജയിൽ നിന്ന് അകലം പാലിക്കുന്നെന്നാണ് വിവരം. മരുമകളെ കുറിച്ചുള്ള ചോദ്യത്തിന് വിജയുടെ അച്ഛൻ മറുപടി പറഞ്ഞിരുന്നില്ല. അത്തരം ചോദ്യങ്ങൾ വേണ്ടെന്നായിരുന്നു അദ്ദേഹം പറഞ്ഞത്.