Publish Date: Fri, 18 Feb 2022 (13:57 IST)
Updated Date: Fri, 18 Feb 2022 (13:59 IST)
നടിയെ ആക്രമിച്ച കേസ് അന്വേഷിച്ച ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് നടനും സംവിധായകനുമായ നാദിര്ഷയെ ക്രൈം ബ്രാഞ്ച് ചോദ്യം ചെയ്തു. ദിലീപിന്റെ ചാര്ട്ടേഡ് അക്കൗണ്ടിനേയും ചോദ്യം ചെയ്തിട്ടുണ്ട്. കേസുമായി ബന്ധപ്പെട്ട് സിനിമാമേഖലയിലെ കൂടുതല് പേരെ വരും ദിവസങ്ങളില് ചോദ്യം ചെയ്യാന് വിളിപ്പിക്കുമെന്നാണ് സൂചന. ഫോണ് കോള് വിവരങ്ങള് ഉള്പ്പെടെ ശേഖരിച്ച് ഗൂഢാലോചന കേസില് കൂടുതല് തെളിവുകള് ശേഖരിക്കാനായാണ് ചോദ്യം ചെയ്യല്. ക്രൈം ബ്രാഞ്ച് ഓഫീസില് നടന്ന നാദിര്ഷയുടെ ചോദ്യം ചെയ്യല് മൂന്ന് മണിക്കൂര് നീണ്ടുനിന്നു.
