വിശേഷമുണ്ട്, താൻ ഗർഭിണിയാണെന്ന് സ്ഥിരീകരിച്ച് ദിയ കൃഷ്ണ

Diya Krishna

താന്‍ ഗര്‍ഭിണിയാണെന്ന വിവരം പങ്കുവെച്ച് സോഷ്യല്‍ മീഡിയാ ഇന്‍ഫ്‌ളുവന്‍സറും നടന്‍ കൃഷ്ണകുമാറിന്റെ മകളുമായ ദിയ കൃഷ്ണ. 3 മാസം വരെ ഇക്കാര്യം സര്‍പ്രൈസ് ആക്കി വെയ്ക്കാനായിരുന്നു തീരുമാനമെന്നും എന്നാല്‍ അതിന് മുന്‍പെ തന്നെ പലരും വിശേഷമുള്ളത് ഊഹിച്ചെന്നും ദിയ വെളിപ്പെടുത്തി.

അമ്മയാവുക എന്നതാണ് തന്റെ ഏറ്റവും വലിയ സ്വപ്നമെന്ന് പല അഭിമുഖങ്ങളിലും ദിയ ആരാധകരോട് പറഞ്ഞിട്ടുണ്ട്. ആ സ്വപ്നം സഫലമായതിന്റെ സന്തോഷത്തിലാണ് താരം. കഴിഞ്ഞ 2 മാസങ്ങളിലായി പങ്കുവെച്ച പോസ്റ്റുകള്‍ക്ക് കീഴില്‍ താരം ഗര്‍ഭിണിയാണോ എന്ന് പലപ്പോഴും ആരാധകര്‍ ചോദിക്കാറുണ്ടായിരുന്നെങ്കിലും ഇതിനൊന്നും തന്നെ ദിയ മറുപടി നല്‍കിയിരുന്നില്ല.

View this post on Instagram

A post shared by Diya Krishna (@_diyakrishna_)

 കഴിഞ്ഞവര്‍ഷം സെപ്റ്റംബറിലായിരുന്നു ദിയ കൃഷ്ണയുടെ വിവാഹം. ദീര്‍ഘകാലസുഹൃത്തായിരുന്നു അശ്വിന്‍ ഗണേശിനെയാണ് ദിയ വിവാഹം ചെയ്തത്. ഇരുവരുടെയും വിവാഹവാര്‍ത്ത സമൂഹമാധ്യമങ്ങളില്‍ ഏറെ ശ്രദ്ധ നേടിയിരുന്നു. കൃഷ്ണകുമാര്‍- സിന്ധു ദമ്പതികളുടെ രണ്ടാമത്തെ മകളാണ് ദിയ കൃഷ്ണ. അഹാന കൃഷ്ണ, ഇഷാനി, ഹന്‍സിക എന്നിവര്‍ സഹോദരിമാരാണ്.